ഒ.ഐ.സി.സി ഇൻകാസ് മലപ്പുറം ജില്ല രക്തദാന ക്യാമ്പിന്റെ ഉദ്ഘാടനം പ്രസിഡന്റ് നൗഫൽ കട്ടുപ്പാറ രക്തം നൽകി നിർവഹിക്കുന്നു
ദോഹ: ഖത്തർ ഒ.ഐ.സി.സി ഇൻകാസ് മലപ്പുറം ജില്ല കമ്മിറ്റിയുടെ ആഭിമുഖ്യത്തിൽ രാജീവ് ഗാന്ധി രക്തസാക്ഷി ദിനത്തോടനുബന്ധിച്ച് ഹമദ് ബ്ലഡ് ഡൊണേഷൻ സെന്ററുമായി സഹകരിച്ച് രക്തദാന കാമ്പയിന് തുടക്കംകുറിച്ചു. മേയ് 21 മുതൽ ലോക രക്തദാന ദിനമായ ജൂൺ 14 വരെയുള്ള കാലയളവിലാണ് ബ്ലഡ് ആൻഡ് പ്ലേറ്റ്ലറ്റ് ഡൊണേഷൻ പരിപാടി നടക്കുന്നത്. ഒ.ഐ.സി.സി ഇൻകാസ് മലപ്പുറം ജില്ല പ്രസിഡന്റ് നൗഫൽ കട്ടുപ്പാറ രക്തം നൽകി ഒരു മാസ കാലത്തോളം നീണ്ടുനിൽക്കുന്ന പരിപാടിക്ക് തുടക്കം കുറിച്ചു.
പരിപാടിയുടെ നേട്ടം കൂടുതൽ ആളുകളിലേക്ക് എത്തിക്കാൻ വിവിധ കമ്പനികളും സാമൂഹിക സംഘടനകളും സഹകരിക്കുമെന്ന് ഭാരവാഹികൾ അറിയിച്ചു. ജില്ല ജനറൽ സെക്രട്ടറി ജാഫർ കമ്പാല, ട്രഷറർ ഇർഫാൻ പകര, മറ്റു ഭാരവാഹികളായ സലീം ഇടശ്ശേരി, അനീസ് വളപുരം, ചാന്ദിഷ് പൊന്നാനി, നിയാസ് പുളിക്കൽ, വസീം അബ്ദുൽ റസാഖ്, രജീഷ് ബാബു എന്നിവർ നേതൃത്വം നൽകി. രക്തം നൽകാൻ താൽപര്യമുള്ളവർ ബന്ധപ്പെടേണ്ട നമ്പറുകൾ: 70617949, 70618121, 55369891.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.