സൈ​ക്കി​ൾ യാ​ത്ര​ക്കാ​ർ​ക്ക് റോ​ഡ് സു​ര​ക്ഷ കാ​മ്പ​യി​നു​മാ​യി ആ​ഭ്യ​ന്ത​ര മ​ന്ത്രാ​ല​യം

ദോ​ഹ: രാ​ജ്യ​ത്ത്​ സൈ​ക്ലി​ങ്ങി​ന്​ പ്രി​യം കൂ​ടി​വ​രു​ക​യാ​ണ്. അ​ത്യാ​ധു​നി​ക രീ​തി​യി​ലു​ള്ള സൈ​ക്കി​ൾ പാ​ത​ക​ൾ രാ​ജ്യ​ത്തി​ന്റെ വി​വി​ധ​യി​ട​ങ്ങ​ളി​ൽ സ​ജ്ജ​മാ​യ​തും സൈ​ക്കി​ൾ സ​വാ​രി​ക്കാ​രെ ഏ​റെ ആ​ക​ർ​ഷി​ക്കു​ന്നു. വാ​രാ​ന്ത്യ​ങ്ങ​ളി​ൽ വൈ​കീ​ട്ട് റൈ​ഡ് ന​ട​ത്തു​ന്ന സൈ​ക്ലി​സ്റ്റു​ക​ളു​ടെ​യും സൈ​ക്ലി​ങ്ങി​ൽ താ​ൽ​പ​ര്യ​മു​ള്ള​വ​രു​ടെ​യും എ​ണ്ണ​വും വ​ർ​ധി​ച്ചു​വ​രു​ക​യാ​ണ്.

അ​തേ​സ​മ​യം, സൈ​ക്കി​ൾ സ​വാ​രി​ക​ൾ അ​പ​ക​ട​ര​ഹി​ത​മാ​ക്കു​ന്ന​തി​നും ​റോ​ഡ് ഉ​പ​യോ​ഗി​ക്കു​ന്ന​വ​രു​ടെ സു​ര​ക്ഷ​യും ക്ഷേ​മ​വും ഉ​റ​പ്പാ​ക്കു​ന്ന​തി​നു​മാ​യി സു​ര​ക്ഷ കാ​മ്പ​യി​നു​മാ​യി ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം രം​ഗ​ത്തു​വ​ന്നു. പ്ര​ചാ​ര​ണ​ത്തി​ന്റെ ഭാ​ഗ​മാ​യി എ​ല്ലാ സൈ​ക്കി​ൾ യാ​ത്ര​ക്കാ​രും ട്രാ​ഫി​ക് നി​യ​മ​ങ്ങ​ളും സു​ര​ക്ഷി​ത​മാ​യ യാ​ത്രാ​രീ​തി​ക​ളും ക​ർ​ശ​ന​മാ​യി പാ​ലി​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം എ​ക്സ് പ്ലാ​റ്റ്ഫോ​മി​ലൂ​ടെ ആ​വ​ശ്യ​പ്പെ​ട്ടു.

​സു​ര​ക്ഷി​ത​മാ​യ യാ​ത്ര ഉ​റ​പ്പാ​ക്കു​ന്ന​തി​നാ​യി സൈ​ക്കി​ൾ യാ​ത്രി​ക​ർ നി​ർ​ബ​ന്ധ​മാ​യും സൈ​ക്കി​ൾ പാ​ത​ക​ൾ മാ​ത്രം ഉ​പ​യോ​ഗി​ക്കു​ക​യും റോ​ഡി​ന്റെ വ​ല​തു​വ​ശം ചേ​ർ​ന്ന് മാ​ത്രം സ​ഞ്ച​രി​ക്കു​ക​യും വേ​ണം. ഇ​ത് ട്രാ​ഫി​ക് ത​ട​സ്സം ഒ​ഴി​വാ​ക്കാ​നും അ​പ​ക​ട സാ​ധ്യ​ത കു​റ​ക്കാ​നും സ​ഹാ​യ​ക​മാ​കും. കൂ​ടാ​തെ, സൈ​ക്കി​ളി​ൽ യാ​ത്ര ചെ​യ്യു​ന്ന​വ​ർ ഹെ​ൽ​മ​റ്റും റി​ഫ്ല​ക്ടി​വ് വെ​സ്റ്റും ധ​രി​ക്കു​ന്ന​ത് സു​ര​ക്ഷ​ക്കും അ​ത്യാ​വ​ശ്യ​മാ​ണ്. ​കൂ​ടാ​തെ രാ​ത്രി​യി​ലോ പു​ല​ർ​ച്ചെ​യോ സ​ഞ്ച​രി​ക്കു​മ്പോ​ൾ സൈ​ക്കി​ളു​ക​ളി​ൽ ലൈ​റ്റു​ക​ൾ ഉ​റ​പ്പാ​ക്കു​ക എ​ന്ന​ത് പ്ര​ധാ​ന​മാ​ണ്.

സൈ​ക്കി​ൾ യാ​ത്ര​ക്കാ​ർ റി​ഫ്ലെ​ക്റ്റി​വ് വെ​സ്റ്റു​ക​ൾ ധ​രി​ക്കു​ന്ന​തി​ലൂ​ടെ, വാ​ഹ​ന​മോ​ടി​ക്കു​ന്ന​വ​ർ​ക്ക് ഇ​ത് കൂ​ടു​ത​ൽ ദൃ​ശ്യ​മാ​കു​ക​യും അ​പ​ക​ട സാ​ധ്യ​ത കു​റ​ക്കു​ക​യും ചെ​യ്യാം. ശ​രി​യാ​യ ലൈ​റ്റി​ങ് ഉ​റ​പ്പാ​ക്കു​ന്ന​തും സൈ​ക്കി​ൾ യാ​ത്ര​ക്കാ​ർ​ക്കും മ​റ്റു​ള്ള വാ​ഹ​ന യാ​ത്ര​ക്കാ​ർ​ക്കും കാ​ണാ​ൻ ക​ഴി​യു​മെ​ന്ന് ഉ​റ​പ്പാ​ക്കു​ന്നു.