ഖ​ത്ത​ർ റ​ൺ; അ​തി​വേ​ഗം ആ​വേ​ശോ​ജ്ജ്വ​ലം

ദോ​ഹ: ത​ണു​ത്ത പ്ര​ഭാ​ത​ത്തി​ന് മ​ത്സ​ര​ച്ചൂ​ട് പ​ക​ർ​ന്ന് ഗ​ൾ​ഫ് മാ​ധ്യ​മം -ഗ്രാ​ൻ​ഡ് ഹൈ​പ്പ​ർ​മാ​ർ​ക്ക​റ്റ് ഖ​ത്ത​ർ റ​ൺ ആ​റാം സീ​സ​ണി​ന് ആ​വേ​ശ​ക​ര​മാ​യ കൊ​ടി​യി​റ​ക്കം.

ഖ​ത്ത​രി​ക​ൾ മു​ത​ൽ യൂ​റോ​പ്യ​ൻ, ഏ​ഷ്യ​ൻ, ആ​ഫ്രി​ക്ക​ൻ, അ​മേ​രി​ക്ക​ൻ രാ​ജ്യ​ക്കാ​രാ​യ ഓ​ട്ട​ക്കാ​ർ ഒ​രേ മ​ന​സ്സു​മാ​യി ട്രാ​ക്കി​ൽ ഒ​ന്നി​ച്ച​പ്പോ​ൾ കാ​യി​ക ക്ഷ​മ​ത​യു​ടെ​യും സ്​​പോ​ർ​ട്സി​ന്റെ​യും അ​ത്യു​ജ്ജ്വ​ല വി​ളം​ബ​ര​മാ​യി മാ​റി.

ഖ​ത്ത​ർ ദേ​ശീ​യ കാ​യി​ക​ദി​ന​ത്തി​ന്റെ ഭാ​ഗ​മാ​യി കാ​യി​ക മ​ന്ത്രാ​ല​യ​ത്തി​നു കീ​ഴി​ലെ ഖ​ത്ത​ർ സ്​​പോ​ർ​ട്സ് ഫോ​ർ ഓ​ൾ ഫെ​ഡ​റേ​ഷ​ൻ (ക്യു.​എ​സ്.​എ​ഫ്.​എ) പി​ന്തു​ണ​യോ​ടെ സം​ഘ​ടി​പ്പി​ച്ച ആ​റാ​മ​ത് ഖ​ത്ത​ർ റ​ണ്ണി​ന് ഗം​ഭീ​ര സ​മാ​പ​നം.

കാ​യി​ക​ദി​നം ഉ​ത്സ​വം​പോ​ലെ ആ​ഘോ​ഷി​ക്കു​ന്ന ഖ​ത്ത​റി​ലെ ​വെ​ള്ളി​യാ​ഴ്ച രാ​വി​ലെ ആ​സ്പ​യ​ർ പാ​ർ​ക്കി​ലേ​ക്കാ​യി​രു​ന്നു ജ​ന​മൊ​ഴു​കി​യെ​ത്തി​യ​ത്. രാ​വി​ലെ ഏ​ഴു മ​ണി​ക്ക് ​ഓ​ട്ട മ​ത്സ​ര​ങ്ങ​ൾ​ക്ക് തു​ട​ക്കം കു​റി​ക്കു​ന്ന​തി​നും ഒ​രു മ​ണി​ക്കൂ​ർ മു​മ്പേ ത​ന്നെ കാ​യി​ക താ​ര​ങ്ങ​ൾ സ​ജീ​വ​മാ​യി.

ര​ണ്ടും മൂ​ന്നും വ​യ​സ്സു​കാ​രാ​യ കു​ഞ്ഞു ഓ​ട്ട​ക്കാ​ർ മു​ത​ൽ അ​ഞ്ച് കി​​ലോ​മീ​റ്റ​റി​ൽ മ​ത്സ​രി​ച്ച 74കാ​ര​നാ​യ ജ​ർ​മ​ൻ​കാ​ര​ൻ റി​ച്ചാ​ർ​ഡ് ഗു​ഡ​റും, 10 കി.​മീ​യി​ൽ പ​​ങ്കെ​ടു​ത്ത ഇ​റാ​ഖു​കാ​ര​ൻ മു​സ്ത​ഫ അ​ൽ ക​സാ​സും വ​രെ​യു​ള്ള ഓ​ട്ട​ക്കാ​ർ സ​ജ്ജ​മാ​യി. 50ലേ​റെ രാ​ജ്യ​ക്കാ​രാ​യ 774 അ​ത്‍ല​റ്റു​ക​ളാ​ണ് 10 കി.​മീ, അ​ഞ്ച് കി.​മീ, 2.5 കി.​മീ, കു​ട്ടി​ക​ൾ​ക്കു​ള്ള 800 മീ​റ്റ​ർ തു​ട​ങ്ങി​യ ദൂ​ര വി​ഭാ​ഗ​ങ്ങ​ളി​ൽ മ​ത്സ​രി​ച്ച​ത്.

മ​ത്സ​ര​ങ്ങ​ൾ ഫ്ലാ​ഗ് ഓ​ഫ് ചെ​യ്യു​ന്ന​തി​ന് അ​ര​മ​ണി​ക്കൂ​ർ മു​മ്പേ വാം ​അ​പ്പ് സെ​ഷ​നോ​ടെ കാ​യി​ക താ​ര​ങ്ങ​ളെ​ല്ലാം ഓ​ടാ​ൻ സ​ജ്ജ​മാ​യി. ആ​ദ്യം 10 കി.​മീ, അ​ഞ്ച് കി.​മീ ഓ​പ​ൺ, മാ​സ്റ്റേ​ഴ്സ് വി​ഭാ​ഗം മ​ത്സ​ര​ങ്ങ​ൾ​ക്ക് തു​ട​ക്കം കു​റി​ച്ചു. അ​ഞ്ചു മി​നി​റ്റ് ഇ​ട​വേ​ള​യി​ൽ ഓ​പ​ൺ-​മാ​സ്റ്റേ​ഴ്സ് 2.5 കി​ലോ​മീ​റ്റ​റി​നും തു​ട​ക്ക​മാ​യി.

ഗ​ൾ​ഫ് മാ​ധ്യ​മം മീ​ഡി​യ വ​ൺ എ​ക്സി​ക്യൂ​ട്ടീ​വ് ക​മ്മി​റ്റി അം​ഗം റ​ഹീം ഓ​മ​ശ്ശേ​രി, വൈ​സ് ചെ​യ​ർ​മാ​ൻ എ.​സി. മു​നീ​ഷ് എ​ന്നി​വ​ർ ആ​ദ്യ വി​ഭാ​ഗം മ​ത്സ​ര​ങ്ങ​ളു​ടെ ഫ്ലാ​ഗ് ഓ​ഫ് നി​ർ​വ​ഹി​ച്ചു. മ​ണ​ലു​റ​ച്ച ട്രാ​ക്ക് ആ​വേ​ശ​ക​ര​മാ​യ മ​ത്സ​ര​ങ്ങ​ൾ​ക്കാ​ണ് പി​ന്നീ​ട് സാ​ക്ഷ്യം വ​ഹി​ച്ച​ത്.

വി​വി​ധ ദേ​ശ​ക്കാ​ർ ക​രു​ത്തും വേ​ഗ​വു​മാ​യി മ​ത്സ​രി​ച്ചു. മ​ത്സ​രം പു​രോ​ഗ​മി​ക്കു​​ന്ന​തി​നി​ടെ ഖ​ത്ത​ർ റ​ണ്ണി​ന്റെ മു​ഖ്യാ​തി​ഥി​ക​ളാ​യ മു​ൻ കേ​ര​ള ബ്ലാ​സ്റ്റേ​ഴ്സ് പ​രി​ശീ​ല​ക​ൻ ഇ​വാ​ൻ വു​കോ മ​നോ​വി​ചും കോ​മ​ൺ​വെ​ൽ​ത്ത് ഗെ​യിം​സ് ഗു​സ്തി സ്വ​ർ​ണ മെ​ഡ​ൽ ജേ​താ​വ് റി​തു ഫോ​ഗ​ട്ടും എ​ത്തി​യ​തോ​ടെ ആ​സ്പ​യ​ർ പാ​ർ​ക്കി​ൽ ആ​വേ​ശം വാ​നോ​ള​മു​യ​ർ​ന്നു.

സ​മാ​പ​ന ച​ട​ങ്ങി​ൽ ഇ​വാ​ൻ വു​കോ മ​നോ​വി​ച്, റി​തു ഫോ​ഗ​ട്ട്, ഗ്രാ​ൻ​ഡ്മാ​ൾ ഹൈ​പ്പ​ർ​മാ​ർ​ക്ക​റ്റ് റീ​ജ​ന​ൽ ഡ​യ​റ​ക്ട​ർ അ​ഷ്റ​ഫ് ചി​റ​ക്ക​ൽ, ന​സീം ഹെ​ൽ​ത്ത് കെ​യ​ർ കോ​ർ​പ​റേ​റ്റ് റി​ലേ​ഷ​ൻ​സ് ആ​ൻ​ഡ് മാ​ർ​ക്ക​റ്റി​ങ് മാ​നേ​ജ​ർ സ​ന്ദീ​പ് ജി. ​നാ​യ​ർ, എ​ൻ.​വി.​ബി.​എ​സ് ഫൗ​ണ്ട​റും സി.​ഇ.​ഒ​യു​മാ​യ ബേ​ന​സീ​ർ മ​നോ​ജ്, ഫൗ​ണ്ട​റും ചീ​ഫ് കോ​ച്ചു​മാ​യ മ​നോ​ജ് സാ​ഹി​ബ്ജാ​ൻ, അ​ൽ​സ​മാ​ൻ എ​ക്സ്ചേ​ഞ്ച് കസ്റ്റമർ സർവിസ് ആൻഡ് മാർക്കറ്റിങ് മാനേജർ ജു​വൈ​സ്, പൊ​കാ​രി ക​ൺ​ട്രി​ഹെ​ഡ് മു​ഹ​മ്മ​ദ് ഫ​യാ​സ് ഫാ​ബി, ലാ​ൻ​ഡ്റോ​യ​ൽ പ്രോ​പ്പ​ർ​ട്ടി മാ​നേ​ജി​ങ് ഡ​യ​റ​ക്ട​ർ സു​ഹൈ​ർ ആ​സാ​ദ്, അ​ൽ​ഖ​ർ​ജ് ട്രേ​ഡി​ങ് ജ​ന​റ​ൽ മാ​നേ​ജ​ർ അ​ജാ​സ്, അഹമ്മദ് അൽ മഗ്രിബി മാർക്കറ്റിങ് പ്രതിനിധി സൈഫ് ഹാഷ്മി, വ​ൺ ചാ​മ്പ്യ​ൻ​ഷി​പ് ​പ്ര​തി​നി​ധി റ​ബേ​ക, ഗ​ൾ​ഫ് മാ​ധ്യ​മം എ​ക്സി​ക്യൂ​ട്ടീ​വ് ക​മ്മി​റ്റി മു​ൻ ചെ​യ​ർ​മാ​ൻ റ​ഹീം ഓ​മ​ശ്ശേ​രി, അം​ഗ​ങ്ങ​ളാ​യ എ.​ആ​ർ. അ​ബ്ദു​ൽ ഗ​ഫൂ​ർ, അ​ഡ്വ. മു​ഹ​മ്മ​ദ് ഇ​ഖ്ബാ​ൽ, സാ​ദി​ഖ് ചെ​ന്നാ​ട​ൻ, അ​ഹ​മ്മ​ദ് അ​ൻ​വ​ർ, വ​ള​ന്റി​യ​ർ ക്യാ​പ്റ്റ​ൻ സി​ദ്ദീ​ഖ് വേ​ങ്ങ​ര, ഗ​ൾ​ഫ് മാ​ധ്യ​മം റീ​ജ​ന​ൽ മാ​നേ​ജ​ർ ടി.​എ​സ്. സാ​ജി​ദ് , പി.​ആ​ർ മാ​നേ​ജ​ർ ഒ.​ടി. സ​കീ​ർ ഹു​സൈ​ൻ, ബി​സി​ന​സ് ഡെ​വ​ല​പ്മെ​ന്റ് മാ​നേ​ജ​ർ ജാ​ബി​ർ അ​ബ്ദു​ൽ​റ​ഹ്മാ​ൻ എ​ന്നി​വ​ർ വി​ജ​യി​ക​ൾ​ക്ക് സ​മ്മാ​ന വി​ത​ര​ണം ന​ട​ത്തി.

റേ​ഡി​യോ സു​നോ ആ​ർ.​ജെ അ​ഷ്ട​മി ഖ​ത്ത​ർ റ​ണ്ണി​ന്റെ അ​വ​താ​ര​ക​യാ​യി.

പ​ത്തി​ൽ പ​ത്ത​ര​മാ​റ്റോ​ടെ നാ​സ​ർ

ദോ​ഹ: ഖ​ത്ത​റി​ലെ ഓ​ട്ട​ക്കാ​ർ​ക്ക് സു​പ​രി​ചി​ത​നാ​ണ് പ്ര​വാ​സി മ​ല​യാ​ളി അ​ത്‍ല​റ്റ് അ​ബ്ദു​ൽ നാ​സ​ർ. ലോ​ക​ത്തെ ആ​റ് മു​ൻ​നി​ര മാ​ര​ത്ത​ൺ ചാ​മ്പ്യ​ൻ​ഷി​പ്പു​ക​ളും ഓ​ടി​ത്തീ​ർ​ത്ത് വേ​ൾ​ഡ് മാ​ര​ത്ത​ൺ മേ​േ​ജ​ഴ്സ് പൂ​ർ​ത്തി​യാ​ക്കി​യ അ​പൂ​ർ​വം കാ​യി​ക താ​ര​ങ്ങ​ളി​ൽ ഒ​രാ​ൾ.

ഗ​ൾ​ഫ് മാ​ധ്യ​മം ഖ​ത്ത​ർ റ​ണ്ണി​ന്റെ പ്ര​ഥ​മ സീ​സ​ൺ മു​ത​ൽ സ​ജീ​വ​മാ​യി അ​ദ്ദേ​ഹ​മു​ണ്ട്. ഖ​ത്ത​ർ റ​ണ്ണി​നൊ​പ്പം ആ​റാം സീ​സ​ൺ. 10 കി​ലോ​മീ​റ്റ​റി​ലും അ​ഞ്ച് കി​ലോ​മീ​റ്റ​റി​ലു​മെ​ല്ലാം പ​​ങ്കെ​ടു​ത്ത് പ​ല​ത​വ​ണ ജേ​താ​വു​മാ​യി. ഇ​ത്ത​വ​ണ 10 കി.​മീ മാ​സ്റ്റേ​ഴ്സി​ൽ 41.23 മി​നി​റ്റി​ൽ ഫി​നി​ഷ് ചെ​യ്ത് വീ​ണ്ടും ഒ​ന്നാം സ്ഥാ​നം സ്വ​ന്ത​മാ​ക്കി.

ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ മു​ൻ​നി​ര മാ​ര​ത്ത​ൺ, കാ​യി​ക ചാ​മ്പ്യ​ൻ​ഷി​പ്പു​ക​ളി​ൽ പ​തി​വാ​യി പ​​ങ്കെ​ടു​ക്കു​ന്ന അ​ബ്ദു​ൽ നാ​സ​ർ ഖ​ത്ത​ർ റ​ൺ മി​ക​ച്ച അ​നു​ഭ​വ​മാ​യി​രു​ന്നു​വെ​ന്ന് സാ​ക്ഷ്യ​പ്പെ​ടു​ത്തു​ന്നു.

‘മ​ണ​ൽ ട്രാ​ക്ക് ഓ​ട്ട​ക്കാ​ർ​ക്ക് ന​ല്ല എ​ക്സ്പീ​രി​യ​ൻ​സാ​ണ് ന​ൽ​കു​ന്ന​ത്. ​സാ​ധാ​ര​ണ​യി​ലെ റോ​ഡ് ട്രാ​ക്കി​ൽ​നി​ന്നും വ്യ​ത്യ​സ്ത​മാ​ണ് മ​ണ​ൽ ട്രാ​ക്കി​ലെ ഓ​ട്ടം. കാ​ലാ​വ​സ്ഥ​യും അ​നു​കൂ​ല​മാ​യെ​ന്ന് അ​ദ്ദേ​ഹം പ​റ​യു​ന്നു.

ഖ​ത്ത​റി​ലെ വ​ർ​ധി​ക്കു​ന്ന കാ​യി​ക ആ​വേ​ശ​വും പ്ര​വാ​സി​ക​ളി​ലെ കാ​യി​ക​ക്ഷ​മ​ത സം​ബ​ന്ധി​ച്ച ഉ​ണ​ർ​വും പ്ര​തീ​ക്ഷ ന​ൽ​കു​ന്ന​താ​ണെ​ന്നും ക​ഴി​ഞ്ഞ ഒ​ന്ന​ര​പ്പ​തി​റ്റാ​ണ്ടോ​ള​മാ​യി കാ​യി​ക രം​ഗ​ത്ത് സ​ജീ​വ​മാ​യു​ള്ള നാ​സ​ർ പ​റ​ഞ്ഞു.