ഖത്തർ കെ.എം.സി.സി തിരുവമ്പാടി മണ്ഡലം ഹരിതാഭം
സംസ്ഥാന പ്രസിഡന്റ് ഡോ. അബ്ദുസ്സമദ് ഉദ്ഘാടനം ചെയ്യുന്നു
ദോഹ: മുസ്ലിംലീഗ് സംസ്ഥാന ഉപാധ്യക്ഷനായിരിക്കെ വിടപറഞ്ഞ സി. മോയിൻകുട്ടിയെ കെ.എം.സി.സി ഖത്തർ തിരുവമ്പാടി മണ്ഡലം കമ്മിറ്റി ‘ഹരിതാഭം’ പരിപാടിയിലൂടെ അനുസ്മരിച്ചു. കെ.എം.സി.സി മിനി ഓഡിറ്റോറിത്തിൽ നടന്ന അനുസ്മരണം സംസ്ഥാന പ്രസിഡന്റ് ഡോ. അബ്ദുസ്സമദ് ഉദ്ഘാടനം ചെയ്തു. മണ്ഡലം സീനിയർ വൈസ് പ്രസിഡന്റ് പി.എം. മുജീബുറഹ്മാൻ അധ്യക്ഷനായിരുന്നു. പ്രസിഡന്റ് ഇ.എ. നാസർ അനുസ്മരണ പ്രഭാഷണം നടത്തി.
സംസ്ഥാന ജനറൽ സെക്രട്ടറി സലീം നാലകത്ത്, ഉപദേശക സമിതി വൈസ് ചെയർമാൻ അബ്ദുന്നാസർ നാച്ചി, ജില്ല പ്രസിഡന്റ് ടി.ടി. കുഞ്ഞമ്മദ്, സെക്രട്ടറി ഒ.പി. സാലിഹ്, അൽ ഇഹ്സാൻ വൈസ് ചെയർമാൻ മെഹബൂബ് നാലകത്ത് എന്നിവർ സംസാരിച്ചു. മാപ്പിളപ്പാട്ട് ഗായകനായും പ്രചാരകനായും അഞ്ച് പതിറ്റാണ്ട് പിന്നിട്ട സി.വി.എ. കുട്ടി ചെറുവാടിക്കും അദ്ദേഹത്തിന്റെ മകളും ഗായികയുമായ അമീന സുൽത്താനക്കും സ്വീകരണം നൽകി.
ഇരുവർക്കും മണ്ഡലം പ്രസിഡന്റ് ഇ.എ. നാസർ ഉപഹാരം നൽകി. പ്രവാസം അവസാനിപ്പിക്കുന്ന മണ്ഡലം വൈസ് പ്രസിഡന്റ് വി.എൻ. യൂസുഫിന് ജനറൽ സെക്രട്ടറി ടി.പി. അബ്ബാസും പുതുപ്പാടി പഞ്ചായത്ത് പ്രസിഡന്റ് സമീർ വള്ളിയാടും ഉപഹാരങ്ങൾ നൽകി. കെ.എം.സി.സി മയ്യിത്ത് പരിപാലന കമ്മിറ്റിയംഗമായിരുന്ന യൂസുഫിന് അൽ ഇഹ്സാൻ കമ്മിറ്റിയുടെ ഉപഹാരവും ചടങ്ങിൽ ഭാരവാഹികൾ കൈമാറി.
ഗാനരചയിതാവ് ഹസ്സൻ നെടിയനാട് എഴുതിയ മോയിൻകുട്ടി സാഹിബ് അനുസ്മരണ ഗാനം അമീന സുൽത്താന ആലപിച്ചു. സംസ്ഥാന ഭാരവാഹികളായ അൻവർ ബാബു വടകര, ടി.ടി.കെ. ബഷീർ, അബൂബക്കർ പുതുക്കുടി, അഷ്റഫ് ആറളം, താഹിർ താഹക്കുട്ടി, സൽമാൻ എളയടം, ഫൈസൽ കേളോത്ത്, ജില്ല ഭാരവാഹികളായ അജ്മൽ തെങ്ങലക്കണ്ടി, കെ.കെ. ബഷീർ, നവാസ് കോട്ടക്കൽ, റുബിനാസ് കൊട്ടേടത്ത് തുടങ്ങിയവർ സംബന്ധിച്ചു. നവാസ് പുത്തലത്ത് പ്രാർഥന നടത്തി. ജനറൽ സെക്രട്ടറി ടി.പി. അബ്ബാസ് സ്വാഗതവും സെക്രട്ടറി ഹനീഫ തൂങ്ങുംപുറം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.