ഗ്രാൻഡ്മാൾ ഹൈപ്പർ മാർക്കറ്റ് ന്യൂ ഇയർ കാഷ് ഡ്രൈവ് മെഗാ പ്രമോഷൻ വിജയികൾക്ക് സമ്മാനങ്ങൾ വിതരണം ചെയ്തപ്പോൾ
ദോഹ: രാജ്യത്തെ പ്രമുഖ റീട്ടെയിൽ ശൃംഖലയായ ഗ്രാൻഡ് മാൾ ഹൈപ്പർ മാർക്കറ്റിന്റെ ‘ന്യൂ ഇയർ കാഷ് ഡ്രൈവ്’ മെഗാ പ്രമോഷൻ ആദ്യഘട്ട നറുക്കെടുപ്പ് വിജയികൾക്കുള്ള സമ്മാനങ്ങൾ ഗ്രാൻഡ് മാൾ ഏഷ്യൻ പരിസരത്തുനടന്ന ചടങ്ങിൽവെച്ച് വിതരണം ചെയ്തു.
ജനുവരി നാലിന് തുടങ്ങി മാർച്ച് 23 വരെയുള്ള കാലയളവിൽ ഗ്രാൻഡ് മാൾ ഹൈപ്പർ മാർക്കറ്റിന്റെ ഏത് ഔട്ട്ലെറ്റുകളിൽനിന്നും 50 റിയാലിനോ അതിന് മുകളിലോ പർച്ചേസ് ചെയ്യുമ്പോൾ ലഭിച്ച റാഫിൾ കൂപൺ വഴി എല്ലാ ഉപഭോക്താക്കളും ഈ സമ്മാനപദ്ധതിയിൽ പങ്കാളികളായിരുന്നു.
ചടങ്ങിൽ 10 വിജയികൾക്ക് 5000 രൂപ വീതം 50,000 ഖത്തർ റിയാൽ കാഷ് പ്രൈസും ഒരു വിജയിക്ക് ജെറ്റൂർ എക്സ് 50 കാറും വിതരണം ചെയ്തു. ഗ്രാൻഡ് മാൾ റീജനൽ ഡയറക്ടർ അഷ്റഫ് ചിറക്കൽ സമ്മാനവിതരണത്തിന് നേതൃത്വം നൽകി. മുഖ്യാതിഥി ഇ.കെ അഷറഫ്, ഏരിയ മാനേജർ ബഷീർ പരപ്പിൽ, പി.ആർ മാനേജർ എം.എൻ. സിദ്ധിഖ്, മാർക്കറ്റിങ് മാനേജർ ഷംസീർ, മാൾ മാനേജർ നവാബ്, എ.എം.എം. പ്രവീൺ തുടങ്ങിയവർ ചടങ്ങിൽ പങ്കെടുത്തു.
30 പേർക്ക് 150,000 റിയാലിന്റെ കാഷ് പ്രൈസും മൂന്ന് പേർക്ക് ജെറ്റൂർ എക്സ് 50 കാറുകളും ഉൾപ്പെടുന്ന മെഗാ പ്രൊമോഷനിൽ 33 ഭാഗ്യശാലികൾക്കാണ് സമ്മാനങ്ങൾ ലഭിക്കുക. മൂന്ന് ഘട്ടങ്ങളിലായുള്ള നറുക്കെടുപ്പിലൂടെയാണ് ഭാഗ്യശാലികളെ തെരഞ്ഞെടുക്കുന്നത്. അടുത്ത നറുക്കെടുപ്പ് 2025 ഫെബ്രുവരി 23നും അവസാനഘട്ട നറുക്കെടുപ്പ് മാർച്ച് 23നും ആയിരിക്കും.
ഗ്രാൻഡ് മാൾ ഏഷ്യൻ ടൗൺ, മെക്കെയ്ൻസ്, ഗ്രാൻഡ് എക്സ്പ്രസ് ഷഹാനിയ, പ്ലാസ മാൾ (ഷോപ്പുകൾ 91 ആൻഡ് 170), ഉമ്മു ഗാർന്, അസീസിയ, എസ്ദാൻ മാൾ വുകെയർ എന്നിവയുൾപ്പെടെ എല്ലാ ഗ്രാൻഡ് മാൾ ഔട്ട്ലെറ്റുകളിലും ഈ പ്രമോഷൻ ലഭ്യമാണ്.
മെഗാ പ്രൊമോഷന്റെ ഭാഗമായ എല്ലാവർക്കും നന്ദി അറിയിക്കുന്നതോടൊപ്പം എല്ലാ ഉപഭോക്താക്കളും ഈ പ്രൊമോഷന്റെ ആനുകൂല്യങ്ങൾ പരമാവധി ഉപയോഗപ്പെടുത്തണമെന്നും ഗ്രാൻഡ് മാൾ റീജനൽ ഡയറക്ടറും ഐ.സി.സി ഉപദേശക സമിതി അംഗവുമായ അഷ്റഫ് ചിറക്കൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.