പ്ര​വാ​സി വെ​ല്‍ഫെ​യ​ര്‍ സാ​ഹോ​ദ​ര്യ കാ​ല​ത്തി​ന്‌ തു​ട​ക്കം

ദോ​ഹ: ‘നാ​ടി​ന്റെ ന​ന്മ​ക്ക് ന​മ്മ​ളൊ​ന്നാ​വ​ണം’ എ​ന്ന പ്ര​മേ​യ​ത്തി​ല്‍ പ്ര​വാ​സി വെ​ൽ​ഫെ​യ​ർ ആ​ൻ​ഡ് ക​ൾ​ച​റ​ൽ ഫോ​റം സം​ഘ​ടി​പ്പി​ക്കു​ന്ന സാ​ഹോ​ദ​ര്യ കാ​ല​ത്തി​ന്‌ തു​ട​ക്ക​മാ​യി. പ്ര​വാ​സി വെ​ല്‍ഫെ​യ​ര്‍ സ്ഥാ​പ​ക ദി​ന​മാ​യ മേ​യ് ര​ണ്ടി​ന് ന​ട​ന്ന പ​രി​പാ​ടി​യി​ൽ സാ​ഹോ​ദ​ര്യ കാ​ല​ത്തി​ന്റെ പ്ര​ഖ്യാ​പ​നം വെ​ൽ​ഫെ​യ​ർ പാ​ർ​ട്ടി സം​സ്ഥാ​ന പ്ര​സി​ഡ​ന്റ് റ​സാ​ഖ് പാ​ലേ​രി വി​ഡി​യോ കോ​ൺ​ഫ​റ​ൻ​സി​ലൂ​ടെ നി​ർ​വ​ഹി​ച്ചു. ന​മ്മു​ടെ രാ​ജ്യം ഉ​യ​ർ​ത്തി​പ്പി​ടി​ക്കു​ന്ന ന​ന്മ​ക​ൾ പ്ര​വാ​സി സ​മൂ​ഹ​ത്തി​ൽ പ്ര​സ​രി​പ്പി​ക്കാ​ൻ സാ​ധി​ക്ക​ണ​മെ​ന്ന് അ​ദ്ദേ​ഹം പ​റ​ഞ്ഞു.

നാ​ടി​നെ​യും സ​മൂ​ഹ​ത്തെ​യും ഗ്ര​സി​ച്ച് കൊ​ണ്ടി​രി​ക്കു​ന്ന വം​ശീ​യ​ത​യു​ടെ​യും വി​ദ്വേ​ഷ​ത്തി​ന്റെ​യും തി​ന്മ​ക​ളെ പ്ര​തി​രോ​ധി​ക്കു​ക​യും പ്ര​വാ​സ ലോ​ക​ത്തെ സാ​മൂ​ഹി​ക സൗ​ഹാ​ർ​ദ​ത്തി​ന്റെ മാ​തൃ​ക​ക​ൾ ഉ​യ​ർ​ത്തി​ക്കാ​ണി​ക്കു​ക​യു​മാ​ണ് സാ​ഹോ​ദ​ര്യ​കാ​ല പ്ര​വ​ർ​ത്ത​ന​ങ്ങ​ളി​ലൂ​ടെ ല​ക്ഷ്യം​വെ​ക്കു​ന്ന​ത്.

മേ​യ്‌ ഒ​ന്നു മു​ത​ൽ സെ​പ്റ്റം​ബ​ർ 30 വ​രെ നീ​ളു​ന്ന സാ​ഹോ​ദ​ര്യ​കാ​ല പ്ര​ചാ​ര​ണ ഘ​ട്ട​ത്തി​ൽ സ​മ​കാ​ലി​ക സാ​മൂ​ഹി​ക വി​ഷ​യ​ങ്ങ​ളി​ൽ വി​ശി​ഷ്യാ പ്ര​വാ​സി വി​ഷ​യ​ങ്ങ​ളി​ൽ വി​വി​ധ പ​രി​പാ​ടി​ക​ൾ സം​ഘ​ടി​പ്പി​ക്കും. തൊ​ഴി​ല്‍ രം​ഗ​ത്തെ അ​ഭി​വൃ​ദ്ധി​ക്കും വ്യ​ക്തി​ത്വ വി​കാ​സ​ത്തി​നു​മു​ത​കു​ന്ന പ​രി​ശീ​ല​ന പ​രി​പാ​ടി​ക​ൾ, സാ​ഹോ​ദ​ര്യ യാ​ത്ര, സാ​മൂ​ഹി​ക സം​ഗ​മ​ങ്ങ​ള്‍, ക​ലാ കാ​യി​ക മ​ത്സ​ര​ങ്ങ​ള്‍, പ്രി​വി​ലേ​ജ് കാ​ര്‍ഡ്, പ്ര​വാ​സി​ക​ള്‍ക്കാ​യി പു​റ​ത്തി​റ​ക്കി​യ വി​വി​ധ സേ​വ​ന​ങ്ങ​ള്‍ ഉ​ള്‍ക്കൊ​ള്ളി​ച്ച ഡി​ജി​റ്റ​ല്‍ ആ​പ്പി​ന്റെ പ്ര​ചാ​ര​ണം, നൈ​പു​ണ്യ മേ​ള​ക​ള്‍, ജി​ല്ല സ​മ്മേ​ള​ന​ങ്ങ​ള്‍ തു​ട​ങ്ങി​യ​വ ഈ ​കാ​ല​യ​ള​വി​ല്‍ ന​ട​ക്കും.

സാ​ഹോ​ദ​ര്യ​കാ​ല പ്ര​ഖ്യാ​പ​ന പ​രി​പാ​ടി​യി​ൽ പ്ര​വാ​സി വെ​ല്‍ഫെ​യ​ര്‍ ആ​ക്ടി​ങ് പ്ര​സി​ഡ​ന്റ് സാ​ദി​ഖ് ചെ​ന്നാ​ട​ൻ അ​ധ്യ​ക്ഷ​ത വ​ഹി​ച്ചു. മു​ൻ പ്ര​സി​ഡ​ന്റും സെ​ക്ര​ട്ടേ​റി​യ​റ്റ് അം​ഗ​വു​മാ​യ മു​നീ​ഷ് എ.​സി സാ​ഹോ​ദ​ര്യ​കാ​ല പ്ര​വ​ർ​ത്ത​ന​ങ്ങ​ളെ​ക്കു​റി​ച്ചും, വൈ​സ് പ്ര​സി​ഡ​ന്റ് അ​നീ​സ് റ​ഹ്മാ​ന്‍ യാ​ത്ര​യെ​ക്കു​റി​ച്ചും വി​ശ​ദീ​ക​രി​ച്ചു.

പ​രി​പാ​ടി​യി​ൽ ജ​ന​റ​ല്‍ ക​ണ്‍വീ​ന​ര്‍ മ​ഖ്ബൂ​ല്‍ അ​ഹ​മ്മ​ദ് സ്വാ​ഗ​തം പ​റ​ഞ്ഞു. പ്ര​വാ​സി വെ​ൽ​ഫെ​യ​ർ വൈ​സ് പ്ര​സി​ഡ​ന്റ് ന​ജ്‌​ല ന​ജീ​ബ് സ​മാ​പ​ന പ്ര​സം​ഗ​വും, ജ​ന​റ​ല്‍ സെ​ക്ര​ട്ട​റി ഷാ​ഫി മൂ​ഴി​ക്ക​ല്‍ ന​ന്ദി​യും പ​റ​ഞ്ഞു.