ദോഹ: ഔദ്യോഗിക സന്ദർശനത്തിനായി കൂവൈത്തിലെത്തിയ അമീർ ശൈഖ് തമീം ബിൻ ഹമദ് ആൽഥാനി കുവൈത്ത് അമീർ, ശൈഖ് സബാഹ് അൽ അഹ്മദ് അൽ ജാബിർ അൽ സബാഹുമായി കൂടിക്കാഴ്ച നടത്തി. കുവൈത്ത് സിറ്റിയിലെ ദസ്മൻ പാലസിൽ നടന്ന കൂടിക്കാഴ്ചയിൽ കുവൈത്ത് അമീറിന് ശൈഖ് തമീം ആൽഥാനി റമദാൻ ആശംസകൾ നേർന്നു. അമീറിന് കുവൈത്ത് അമീർ ശൈഖ് സബാഹ് അൽ അൽ അഹ്മദ് അൽ ജാബിർ അൽ സബാഹും റമദാൻ ആശംസകൾ കൈമാറി. കൂടിക്കാഴ്ചയിൽ കുവൈത്ത് കിരീടവകാശി ശൈഖ് നവാഫ് അൽ അഹ്മദ് അൽ ജാബിർ അൽ സബാഹും പങ്കെടുത്തു. അമീർ–കുവൈത്ത് അമീർ കൂടിക്കാഴ്ചയിൽ പ്രാദേശികവും അന്തർദേശീയവുമായ നിരവധി വിഷയങ്ങൾ ചർച്ച ചെയ്യുകയും ഇരുരാജ്യങ്ങളും തമ്മിലുള്ള നയതന്ത്രബന്ധത്തെ സംബന്ധിച്ച് വിശകലനം ചെയ്യുകയും ചെയ്തു. വിവിധ മേഖലകളിൽ സഹകരണം വർധിപ്പിക്കുന്നത് സംബന്ധിച്ചും ഇരുരാഷ്ട്രത്തലവന്മാരും തമ്മിൽ നടന്ന കൂടിക്കാഴ്ചയിൽ ചർച്ച ചെയ്തു. പരസ്പരം താൽപര്യമുള്ള മേഖലകളിൽ സഹകരണം വർധിപ്പിക്കുന്നതും സംയുക്ത ഗൾഫ് സഹകരണത്തെ കുറിച്ചും കുറിച്ചും അമീർ–കുവൈത്ത് അമീർ സംഭാഷണത്തിൽ ചർച്ച ചെയ്തു. ജി.സി.സി രാജ്യങ്ങൾ തമ്മിലുള്ള ബന്ധവും മേഖലയിലെ ഏറ്റവും പുതിയ രാഷ്ട്രീയ സാഹചര്യങ്ങളും ഖത്തർ–കുവൈത്ത് ഭരണാധികാരികളുടെ കൂടിക്കാഴ്ചയിൽ വിഷയമായി. കുവൈത്തിലെത്തിയ അമീർ ശൈഖ് തമീം ബിൻ ഹമദ് ആൽഥാനി കുവൈത്ത് അമീർ ദസ്മൻ കൊട്ടാരത്തിൽ സംഘടിപ്പിച്ച ഇഫ്താർ വിരുന്നിലും പങ്കെടുത്തു. നേരത്തെ, കുവൈത്തിലെത്തിയ അമീറിനെ കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അൽ സബാഹ് സ്വീകരിച്ചു. കുവൈത്ത് കിരീടവകാശി ശൈഖ് നവാഫ് അൽ ജാബിർ അൽ സബാഹ് തുടങ്ങിയ പ്രമുഖ വ്യക്തിത്വങ്ങളും ഉദ്യോഗസ്ഥരും ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.