കു​ടും​ബ യാ​ത്ര​ക്ക്​ ഇ-​വേ​ഗം; കു​ട്ടി​ക​ൾ​ക്കു​മു​ണ്ട്​ ഇ-​ഗേ​റ്റ്

ദോ​ഹ: വേ​ന​ൽ ക​ന​ക്കു​ന്ന​തി​നി​ടെ അ​വ​ധി​ക്കാ​ലം വ​രവാ​യി. ഇ​ന്ത്യ​ൻ സ്​​കൂ​ളു​ക​ൾ ഉ​ൾ​പ്പെ​ടെ പൊ​തു-​സ്വ​കാ​ര്യ സ്​​കൂ​ളു​ക​ൾ പ​രീ​ക്ഷാ തി​ര​ക്കും ക​ഴി​ഞ്ഞ്​ ജൂ​ലൈ​ ആ​ദ്യ​വാ​ര​ത്തോ​ടെ അ​വ​ധി​യി​ലേ​ക്ക്​ ​പ്ര​വേ​ശി​ക്കു​ന്നു. നാ​ട്ടി​ലേ​ക്ക്​ പോ​കു​ന്ന പ്ര​വാ​സി​ക​ളും, വി​വി​ധ രാ​ജ്യ​ങ്ങ​ളി​ലേ​ക്ക്​ അ​വ​ധി​ക്കാ​ലം ആ​സ്വ​ദി​ക്കാ​നാ​യി യാ​ത്ര​ചെ​യ്യു​ന്ന സ്വ​ദേ​ശി​ക​ളും മ​റ്റു ദേ​ശ​ക്കാ​രും ഉ​ൾ​പ്പെ​ടെ വ​രാ​നി​രി​ക്കു​ന്ന​ത്​ വി​മാ​ന​ത്താ​വ​ള​ത്തി​ലെ തി​ര​ക്കേ​റി​യ നാ​ളു​ക​ൾ.

രാ​ജ്യ​ത്തി​ന്​ അ​ക​ത്തേ​ക്കും പു​റ​ത്തേ​ക്കും സ​ന്ദ​ർ​ശ​ക തി​ര​ക്കേ​റ​ു​േ​മ്പാ​ൾ വി​മാ​ന​ത്താ​വ​ള​ത്തി​ലെ തി​ര​ക്ക്​ നി​യ​ന്ത്രി​ക്കാ​ൻ വി​പു​ല​മാ​യ സം​വി​ധാ​ന​ങ്ങ​ളാ​ണ്​ അ​ധി​കൃ​ത​ർ ഒ​രു​ക്കു​ന്ന​ത്. അ​തി​ൽ പ്ര​ധാ​ന​മാ​ണ്​ ഹ​മ​ദ്​ വി​മാ​ന​ത്താ​വ​ള​ത്തി​ൽ കു​ട്ടി​ക​ൾ​ക്കും ഇ​ല​ക്​​ട്രോ​ണി​ക്​ ഗേ​റ്റു​ക​ൾ (ഇ-​ഗേ​റ്റ്) ഉ​പ​യോ​ഗി​ക്കാ​ൻ സൗ​ക​ര്യ​മൊ​രു​ക്കു​ന്ന സം​വി​ധാ​ന​മെ​ന്ന്​ എ​യ​ർ​പോ​ർ​ട്ട്​ പാ​സ്​​പോ​ർ​ട്ട്​ വി​ഭാ​ഗ​ത്തി​ലെ ക്യാ​പ്​​റ്റ​ൻ അ​ലി അ​ഹ്മ​ദ്​ അ​ൽ കു​വാ​രി പ​റ​ഞ്ഞു. കു​ട്ടി​ക​ളു​മാ​യി യാ​ത്ര​ചെ​യ്യു​ന്ന കു​ടും​ബ​ങ്ങ​ൾ​ക്ക്​ വി​മാ​ന​ത്താ​വ​ള​ത്തി​ലെ കാ​ത്തി​രി​പ്പ്​ സ​മ​യം കു​റ​ച്ച്, ഇ-​ഗേ​റ്റ്​ വ​ഴി വേ​ഗ​ത്തി​ൽ ഇ​മി​ഗ്രേ​ഷ​ൻ ന​ട​പ​ടി പൂ​ർ​ത്തി​യാ​ക്കി യാ​ത്ര സാ​ധ്യ​മാ​ക്കും.

മാ​നു​ഷി​ക ഇ​ട​പെ​ട​ലു​ക​ളി​ല്ലാ​തെ പൂ​ർ​ണ​മാ​യും ഓ​​ട്ടോ​മേ​റ്റ​ഡ്​ ആ​യ ഇ-​ഗേ​റ്റ്​ സേ​വ​നം യാ​ത്ര​ക്കാ​ർ​ക്ക്​ സ​മ​യ​ലാ​ഭ​വും സു​ഗ​മ​മാ​യ യാ​ത്ര​യും ഉ​റ​പ്പാ​ക്കു​ന്ന​താ​യും അ​ലി അ​ഹ്മ​ദ്​ അ​ൽ കു​വാ​രി പ​റ​ഞ്ഞു. ​ഈ ​സേ​വ​നം ഉ​പ​യോ​ഗ​പ്പെ​ടു​ത്താ​ൻ അ​ർ​ഹ​രാ​യ മു​ഴു​വ​ൻ യാ​ത്ര​ക്കാ​രും ഇ-​ഗേ​റ്റ്​ വ​ഴി​ത​ന്നെ യാ​ത്ര​ചെ​യ്യ​ണ​മെ​ന്ന്​ നി​ർ​ദേ​ശി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. സ്കാ​നി​ങ്, ടെ​ൻ പ്രി​ൻ​റ്​ ഫിം​ഗ​ർ​പ്രി​ന്റി​ങ്, മു​ഖം തി​രി​ച്ച​റി​യ​ൽ തു​ട​ങ്ങി​യ അ​ത്യാ​ധു​നി​ക സാ​ങ്കേ​തി​ക വി​ദ്യ​ക​ളോ​ടെ​യാ​ണ്​ ഹ​മ​ദി​ലെ ഇ-​ഗേ​റ്റ്​ പ്ര​വ​ർ​ത്തി​ക്കു​ന്ന​ത്.

അ​ടു​ത്തി​ടെ​യാ​ണ് ഏ​ഴ്​ വ​യ​സ്സി​ന് മു​ക​ളി​ലു​ള്ള കു​ട്ടി​ക​ൾ​ക്ക് ഇ-​ഗേ​റ്റ് അ​നു​വ​ദി​ച്ച​ത്. നേ​ര​ത്തേ 18 വ​യ​സ്സി​ന് മു​ക​ളി​ലു​ള്ള​വ​ർ​ക്ക് മാ​ത്ര​മേ ഇ-​ഗേ​റ്റി​ലൂ​ടെ പ്ര​വേ​ശ​നം അ​നു​വ​ദി​ച്ചി​രു​ന്നു​ള്ളൂ എ​ന്ന​ത് കു​ട്ടി​ക​ളു​ള്ള കു​ടും​ബ​ങ്ങ​ൾ​ക്ക് വ​ലി​യ ബു​ദ്ധി​മു​ട്ട് ഉ​ണ്ടാ​ക്കി​യി​രു​ന്നു. ഖ​ത്ത​റി​ലെ സ്വ​ദേ​ശി​ക​ൾ​ക്കും പ്ര​വാ​സി താ​മ​സ​ക്കാ​ർ​ക്കും പാ​സ്പോ​ർ​ട്ട് അ​ല്ലെ​ങ്കി​ൽ ഖ​ത്ത​ർ ഐ.​ഡി ഉ​പ​യോ​ഗി​ച്ച് ഇ-​ഗേ​റ്റി​ലൂ​ടെ പ്ര​വേ​ശി​ക്കാം. ജി.​സി.​സി രാ​ജ്യ​ങ്ങ​ളി​ലെ പൗ​ര​ന്മാ​ർ​ക്കും പാ​സ്പോ​ർ​ട്ട് ഉ​പ​യോ​ഗി​ച്ച്​ ഇ-​ഗേ​റ്റ് ക​ട​ക്കാം.

അ​തേ​സ​മ​യം, ജി.​സി.​സി രാ​ജ്യ​ങ്ങ​ളി​ലെ വി​സ​യു​ള്ള​വ​ർ​ക്ക്​ ത​ങ്ങ​ളു​ടെ ര​ണ്ടാ​മ​ത്തെ സ​ന്ദ​ർ​ശ​ന സ​മ​യ​ങ്ങ​ളി​ൽ ഇ-​ഗേ​റ്റ്​ ഉ​പ​യോ​ഗി​ക്കാ​ൻ ക​ഴി​യും. ആ​ദ്യ​സ​ന്ദ​ർ​ശ​ന​ത്തി​ൽ മാ​നു​വ​ൽ ഇ​മി​ഗ്രേ​ഷ​ൻ വ​ഴി​യാ​യി​രി​ക്കും ന​ട​പ​ടി​ക​ൾ. കു​ട്ടി​ക​ളു​ടെ ഇ-​ഗേ​റ്റ്​ സേ​വ​നം എ​ളു​പ്പം പൂ​ർ​ത്തി​യാ​ക്കു​ന്ന​തി​നാ​യി ട്രാ​വ​ൽ ഓ​ഥ​റൈ​സേ​ഷ​ൻ ന​ട​പ​ടി​ക​ൾ മെ​ട്രാ​ഷ് മൊ​ബൈ​ൽ ആ​പ്പി​ലൂ​ടെ ര​ക്ഷി​താ​ക്ക​ൾ പൂ​ർ​ത്തി​യാ​ക്ക​ണ​മെ​ന്നും അ​ൽ കു​വാ​രി പ​റ​ഞ്ഞു.

ഹ​മ​ദ്​ വി​മാ​ന​ത്താ​വ​ള​ത്തി​ലെ സേ​വ​ന​ങ്ങ​ൾ സ്​​മാ​ർ​ട്ടാ​ക്കി മാ​റ്റു​ന്ന​തി​ൽ നി​ർ​ണാ​യ​ക​മാ​യ ഇ-​ഗേ​റ്റ്, ഇ​തി​ന​കം​ത​ന്നെ ഏ​റെ പ്ര​ശം​സ പി​ടി​ച്ചു​പ​റ്റി​യ സം​വി​ധാ​ന​മാ​ണ്.

ഇ-​ഗേ​റ്റ്​ വ​ഴി കു​ട്ടി​ക​ളു​ടെ പ്ര​വേ​ശ​നം

ഖ​ത്ത​ർ റെ​സി​ഡ​ൻ​റു​ക​ളാ​യ കു​ട്ടി​ക​ൾ​ക്കാ​ണ്​ ഇ-​ഗേ​റ്റ്​ ഉ​പ​യോ​ഗി​ക്കാ​ൻ ക​ഴി​യു​ന്ന​ത്. ഏ​ഴ്​ വ​യ​സ്സി​ന്​ മു​ക​ളി​ലു​ള്ള​വ​രാ​യി​രി​ക്ക​ണം. ഒ​പ്പം നി​ർ​ദി​ഷ്​​ട ഉ​യ​ര​വു​മു​ണ്ടെ​ങ്കി​ലേ ഇ-​ഗേ​റ്റി​ലെ ബ​യോ​മെ​ട്രി​ക്​ സം​വി​ധാ​ന​ങ്ങ​ൾ വ​ഴി ഇ​മി​ഗ്രേ​ഷ​ൻ പൂ​ർ​ത്തി​യാ​കൂ. 120-130 സെൻറീ​മീ​റ്റ​ർ ഉ​യ​ര​ണം വേ​ണ​മെ​ന്നാ​ണ്​ നി​ർ​ദേ​ശം.

കു​ട്ടി​ക​ളു​ടെ പാ​സ്പോ​ർ​ട്ട് അ​ല്ലെ​ങ്കി​ൽ ഖ​ത്ത​ർ ഐ​ഡി​യി​ലു​ള്ള ഫോ​ട്ടോ വ്യ​ക്ത​വും സി​സ്റ്റ​ത്തി​ൽ ര​ജി​സ്റ്റ​ർ ചെ​യ്തി​ട്ടു​ള്ള​തു​മാ​യി​രി​ക്ക​ണം. മു​ഖം കൃ​ത്യ​മാ​യി തി​രി​ച്ച​റി​യു​ന്ന​തി​ന് വേ​ണ്ടി​യാ​ണി​ത്.

ഇ-​ഗേ​റ്റു​ക​ളി​ലെ​ത്തു​മ്പോ​ൾ ര​ക്ഷി​താ​ക്ക​ൾ ആ​ദ്യം കു​ട്ടി​ക​ളെ വേ​ണം അ​ക​ത്തേ​ക്ക് പ്ര​വേ​ശി​പ്പി​ക്കാ​ൻ. തൊ​ട്ടു​പി​ന്നാ​ലെ ര​ക്ഷി​താ​ക്ക​ൾ​ക്കും പ്ര​വേ​ശി​ക്കാം. നേ​ര​ത്തേ 18 വ​യ​സ്സി​ന്​ മു​ക​ളി​ലു​ള്ള​വ​ർ​ക്ക്​ മാ​ത്ര​മാ​ണ്​ ഇ-​ഗേ​റ്റ്​ വ​ഴി പ്ര​വേ​ശ​നം അ​നു​വ​ദി​ച്ചി​രു​ന്ന​ത്. ഇ​തു​കാ​ര​ണം കു​ട്ടി​ക​ളു​മാ​യി യാ​ത്ര​ചെ​യ്യു​ന്ന ര​ക്ഷി​താ​ക്ക​ൾ​ക്ക്​ സാ​ധാ​ര​ണ ഇ​മി​ഗ്രേ​ഷ​ൻ കൗ​ണ്ട​റു​ക​ൾ വ​ഴി മാ​ത്ര​മേ പ്ര​വേ​ശ​നം സാ​ധ്യ​മാ​യി​രു​ന്നു​ള്ളൂ.