ദോഹ: ഖത്തറിലെ ജോലിക്കിടെ മരണെപ്പട്ട കമ്പനി തൊഴിലാളിയുടെ കുടുംബത്തിന് വൻതുക സഹായം ൈകമാറി മലയാളി മാനേജ് മെൻറിെൻറ കീഴിലുള്ള ഫാബ്രിക്കേഷൻ കമ്പനി മാതൃകയായി. െതാഴിലാളികൾക്കായി കമ്പനി ഏർപ്പെടുത്തിയ ഇൻഷുറൻസ് ത ുക, കമ്പനി തൊഴിലാളികളും മറ്റ് ജീവനക്കാരും കൂടി സമാഹരിച്ച തുക, കമ്പനി മാനേജ്മെൻറ് വിഹിതം എന്നിവ ചേർത്തതാണ് തുക. സഹപ്രവർത്തകർ സമാഹരിച്ച അത്ര തന്നെ തുകയാണ് മാനേജ്മെൻറ് നൽകിയത്. ഇതോടൊപ്പം ലീവ് സാലറിയും ഗ്രാറ്റുവിറ്റിയും കൂടി ചേർത്ത് 21 ലക്ഷം രൂപയാണ് കമ്പനി കുടുംബത്തിന് എത്തിച്ചത്.
ഉത്തർപ്രദേശിലെ സിയോറിയ സ്വദേശിയായ ദുര്യോധൻ നിഷാദ് (41) എന്ന വെൽഡിങ് ജോലിക്കാരനാണ് ഹൃദയാഘാതം മൂലം മരണപ്പെട്ടത്. തൊഴിലാളിയുടെ കുടുംബത്തിന് ഭാവിയിൽ ഉപകരിക്കും വിധം പുതിയ ബാങ്ക് അക്കൗണ്ട് തുടങ്ങി അതിലാണ് പണം നിക്ഷേപിച്ചത്. കുട്ടികളുടെ വിദ്യാഭ്യാസത്തിനും മറ്റും ഉപകരിക്കും വിധമാണ് അക്കൗണ്ടിൽ തുക നിക്ഷേപിച്ചത്. കമ്പനി അധികൃതർ ഉത്തർപ്രദേശിലെ തൊഴിലാളിയുടെ വീട്ടിൽ നേരിട്ട് എത്തി ആക്സിസ് ബാങ്ക് അധികൃതരുടെ സാന്നിധ്യത്തിലാണ് തുക കൈമാറിയത്. മരണപ്പെട്ട തൊഴിലാളിയുടെ ഭാര്യ രമാദേവിക്ക് കമ്പനി റീജിയനൽ മാനേജർ കെ.വി. ജയരാജ് സഹായം കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.