ദോഹ: ഖത്തർ സംസ്‌കൃതി എല്ലാ വർഷവും സംഘടിപ്പിക്കാറുള്ള സംസ്‌കൃതി-സി.വി. ശ്രീരാമൻ സാഹിത്യപുരസ്കാരത്തിന്റെ 2023 വർഷത്തെ അവാർഡ് നിർണയത്തിനായി പ്രവാസി മലയാളികളിൽ നിന്നും ചെറുകഥകൾ ക്ഷണിച്ചു. 50,000 രൂപയും പ്രശസ്തി പത്രവും അടങ്ങുന്നതാണ് പുരസ്കാരം. കേരളത്തിലെ അറിയപ്പെടുന്ന സാഹിത്യകാരന്മാരുടെ ജൂറിയാണ് പുരസ്കാര ജേതാവിനെ തെരഞ്ഞെടുക്കുക.
ഇന്ത്യക്കു പുറത്ത് താമസിക്കുന്ന 18 വയസ്സ് പൂർത്തിയായ പ്രവാസി മലയാളികൾക്ക് ഈ മത്സരത്തിലേക്ക് ചെറുകഥകൾ അയക്കാം. മുമ്പ് പ്രസിദ്ധീകരിച്ചിട്ടില്ലാത്ത, മലയാളത്തിലുള്ള, മൗലികമായ രചനകൾ ആയിരിക്കണം അവാർഡ് നിർണയത്തിന് അയക്കേണ്ടത്.
രചനകളിൽ രചയിതാവിന്റെ പേരോ മറ്റു വ്യക്തിഗത വിവരങ്ങളോ ഉൾക്കൊള്ളിക്കരുത്. വിദേശരാജ്യത്ത് താമസിക്കുന്ന പ്രവാസി ആണെന്ന് തെളിയിക്കുന്ന രേഖകളും, മൊബൈൽ നമ്പർ ഉൾെപ്പടെയുള്ള മേൽവിലാസവും രചനയോടൊപ്പം പ്രത്യേകമായി അയക്കണം.
രചനകൾ പി.ഡി.എഫ് ഫോർമാറ്റിൽ cvsaward2023@gmail.com, mangalambijoos1969@gmail.com എന്നീ ഇമെയിൽ വിലാസങ്ങളിൽ സെപ്റ്റംബർ അഞ്ചിന് മുമ്പായി കിട്ടത്തക്കവിധം അയക്കേണ്ടതാണ്. കൂടുതൽ വിവരങ്ങൾക്ക് (00974) 55859609, 33310380, 55659527 എന്നീ നമ്പറുകളിൽ ബന്ധപ്പെടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.