കോവിഡ്​: ഖത്തർ നടപടികൾ വിജയത്തിലേക്ക്​

ദോഹ: രാജ്യത്ത് രേഖപ്പെടുത്തിയ കോവിഡ്–19 കേസുകളിൽ 84 ശതമാനവും സമ്പർക്കവിലക്കിൽ കഴിഞ്ഞവരിൽ നിന്നാണ്​. 16 ശതമാനം പേർ മാത്രമാണ്​ സമ്പർക്കവിലക്കിന് പുറത്തുനിന്നുള്ളവർ. കഴിഞ്ഞ ദിവസങ്ങളിൽ രോഗികളു​െട എണ്ണം കൂടുന്നതിന്​ പിന ്നിലുള്ള കാരണം സാ​ങ്കേതികമാണ്​. ദിനേന നിരവധി കോവിഡ്​ പരിശോധനകൾ നടത്താൻ കഴിയുന്ന അത്യാധുനിക ലാബ്​ പ്രവർത്ത നസജ്ജമായിട്ടുണ്ട്​. ഇതിനാൽ നിരവധിയാളുകളുടെ ഫലം പെ​ട്ടെന്ന്​ തന്നെ അറിയാൻ കഴിയുന്നുണ്ട്​.​ വിദേശകാര്യ സഹമന് ത്രിയും ദുരന്തനിവാരണ പരമാധികാര സമിതി വക്താവുമായ ലുൽവ റാഷിദ് അൽ ഖാതിർ വാർത്താസമ്മേളനത്തിലാണ്​ ഇക്കാര്യങ്ങൾ അറിയിച്ചത്​.

നടപടികൾ വിജയത്തിലേക്ക്​
സമ്പർക്ക വിലക്ക് എന്ന ആശയവും അതി​​​​െൻറ രീതിയും വിജയകരമായി മുന്നോട്ട് പോകുന്നുവെന്നതാണ് കണക്കുകൾ സൂചിപ്പിക്കുന്നത്​. രാജ്യത്തെ 89 ശതമാനം കേസുകളും നിയന്ത്രണവിധേയമാണ്​. ഇതിൽ മൂന്ന് ശതമാനം കേസുകളാണ് ഗുരുതരമായിട്ടുള്ളത്​. എട്ട് ശതമാനം രോഗശമനം പ്രാപിച്ചുകഴിഞ്ഞു.
കോവിഡ്–19 മൂലം രണ്ട് മരണമാണ് രാജ്യത്ത് ഉണ്ടായത്​. രണ്ട് കേസുകളും 55 വയസ്സിന് മുകളിലുള്ളവരാണ്​. ഒരാൾ പ്രമേഹം, രക്ത സമ്മർദ്ദ രോഗങ്ങളാൽ പ്രയാസപ്പെട്ടിരുന്നയാളാണ്​. മറ്റേയാൾവൃക്കകൾ നഷ്​ടപ്പെട്ട അവസ്​ഥയിലായിരുന്നു.
തീവ്ര പരിചരണ വിഭാഗത്തിൽ നിന്നും ഇതുവരെയായി 12 പേരെ മോചിപ്പിച്ചിട്ടുണ്ട്​. 37 രോഗികളാണ് ഇപ്പോഴും തീവ്ര പരിചരണ വിഭാഗത്തിലുള്ളത്​.

രണ്ട് കാരണങ്ങളാൽ രോഗം
രണ്ട് കാരണങ്ങളാലാണ് രാജ്യത്ത് കോവിഡ്–19 രോഗികൾ ഉണ്ടാകാൻ കാരണമായത്​. അതിലൊന്ന് രാജ്യത്തേക്കുള്ള സ്വദേശികളുടെ തിരിച്ചുവരവിലുണ്ടായ വർധനവാണ്. രണ്ടാമത് കാരണം, സാങ്കേതികമാണ്. ഏറ്റവും മികച്ച സംവിധാനങ്ങൾ വഴി പരിശോധന നടത്തുന്നതിലൂടെ കുറഞ്ഞ സമയത്തിനുള്ളിൽ കൂടുതൽ രോഗികളെ കണ്ടെത്താൻ സാധിക്കുന്നുണ്ട്​.
സ്വദേശികളിൽ രോഗം അധികമായി കണ്ടെത്തിയിട്ടുണ്ട്​. അവരിലധികവും രോഗം കണ്ടെത്തിയ രാജ്യങ്ങളിൽ നിന്ന് തിരിച്ചുവന്നവരായിരുന്നു. സ്വയം സമ്പർക്കവിലക്കിൽ കിടക്കുന്നതടക്കമുള്ള അധികൃതരുടെ കൃത്യമായ നിർദേശങ്ങൾ പാലിക്കാൻ ഇവർ ബാധ്യസ്​ഥരാണ്​.
ലോകാരോഗ്യ സംഘടനയും ചില രാജ്യങ്ങളിലെ ഉന്നത ഏജൻസികളും അംഗീകരിക്കപ്പെട്ട പരിശോധനാ സംവിധാനങ്ങളും മാനദണ്ഡങ്ങളുമാണ് ഖത്തർ പാലിച്ച് വരുന്നത്​. അതാണ് കൂടുതൽ കൃത്യമായ വിവരം നൽകുന്നതിന് സഹായിക്കുന്നത്​.