ദോഹ: വ്യാഴാഴ്ച ഖത്തറിൽ 181പേർക്കുകൂടി കോവിഡ് റിപ്പോർട്ട് ചെയ്തു. 117 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. 64 പേർ വിദേശത്ത് നിന്ന് തിരിച്ചെത്തിയവരാണ്. പുതിയ മരണങ്ങളൊന്നും റിപ്പോർട്ട് ചെയ്തിട്ടില്ല. രോഗ മുക്തി നേടിയവരുടെ എണ്ണം നൂറിന് താഴെയായി കുറഞ്ഞു. 99 പേർക്കാണ് രോഗമുക്തിയുണ്ടായത്. ഇതുവരെ ആകെ 224384 പേർക്കാണ് രോഗമുക്തിയുണ്ടായത്. നിലവിൽ 2070 പേർക്കാണ് രോഗബാധയുള്ളത്. ഇന്നലെ 20695 പേർ പരിശോധനക്ക് വിധേയരായി. നിലവിൽ 64 പേർ വിവിധ ആശുപത്രികളിലായി ചികിത്സയിലുണ്ട്. തീവ്രപരിചരണവിഭാഗത്തിൽ 23 പേരുമുണ്ട്. വ്യാഴാഴ്ച 43974 ഡോസ് വാക്സിൻ കൂടി കുത്തിവെപ്പ് നടത്തി. നിലവിൽ 39.16 ലക്ഷം ഡോസ് വാക്സിനാണ് കുത്തിവെച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.