ചാലിയാർകപ്പ് മത്സരത്തിന് അതിഥിയായെത്തിയ അറബ് ഗായകൻ ഹാഷിം അബ്ബാസ്
സംഘാടകർക്കൊപ്പം
ദോഹ: ചാലിയാർകപ്പ് ഫുട്ബാൾ ഫൈനലിൽ മേറ്റ്സ് ഖത്തർ, ഡസേർട്ട് ബോയ്സ് ടീം ടൈം എഫ്.സിയെ നേരിടും. നവംബർ 12ന് വൈകീട്ട് ഏഴിന് സി.എൻ.എ.ക്യു സ്റ്റേഡിയത്തിൽവെച്ചാണ് കലാശപ്പോരാട്ടം. ലൂസേർസ് ഫൈനലിൽ ഗൾഫാർ എഫ്.സി, ഫ്രൈഡേ എഫ്.സിയുമായി മൂന്നാം സ്ഥാനത്തിനായി മത്സരിക്കും.
കഴിഞ്ഞ ദിവസം നടന്ന ക്വാർട്ടർ ഫൈനലിന അറബിക് ഗായകനും മലയാളം സിനിമ, മാപ്പിളപ്പാട്ടുകളിലൂടെയും കലാഭവൻ മണിയുടെ നാടൻപാട്ടുകളിലൂടെയും സോഷ്യൽ മീഡിയകളിൽ നിറഞ്ഞു നിൽക്കുന്ന ഹാഷിം അബ്ബാസ് മുഖ്യാതിഥിയായി പങ്കെടുത്തു. കാണികൾക്കൊപ്പം പാട്ടുപാടിയും നൃത്തം ചെയ്തും അദ്ദേഹം ആവേശം തീർത്തു.
ഖത്തർ കമ്യൂണിറ്റി ഫുട്ബാൾ ലീഗ് മാനേജർ ഉമർ സഅദ് വെള്ളിയാഴ്ച നടന്ന സെമിഫൈനൽ മത്സരങ്ങൾക്ക് മുഖ്യാതിഥിയായി. ഒന്നാം സെമിഫൈനലിൽ ഡെസേർട്ട് ബോയ്സ് ടീ ടൈം എഫ്. സി, ഫ്രൈഡേ എഫ്. സി യെ 3-1 ന് പരാജയപ്പെടുത്തിയാണ് ഫൈനലിൽ ഇടം നേടിയത്. രണ്ടാം സെമിഫൈനലിൽ മേറ്റ്സ് ഖത്തർ, ഗൾഫാർ എഫ്. സിയെ 4-1 നു പരാജയപ്പെടുത്തി ഫൈനലിൽ പ്രവേശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.