ദോഹ: സി.ബി.എസ്.ഇ ദേശീയ തലത്തിൽ നടത്തുന്ന നീന്തൽ ചാമ്പ്യൻഷിപ്പിന് അർഹത നേടി എം.ഇ.എസ് ഇന്ത്യൻ സ്കൂൾ വിദ്യാർഥികൾ.
ഡി.പി.എസ് മോഡേൺ ഇന്ത്യൻ സ്കൂളിൽ അടുത്തിടെ നടന്ന ഖത്തർ ക്ലസ്റ്റർ ഇൻറർ സ്കൂൾ ചാമ്പ്യൻഷിപ്പിൽ 20 മെഡലുകൾ സ്വന്തമാക്കിയാണ് എം.ഇ.എസിലെ കുട്ടികൾ നവംബർ 22 മുതൽ റാഞ്ചിയിൽ നടക്കുന്ന ചാമ്പ്യൻഷിപ്പിന് അർഹത നേടിയത്. അണ്ടർ 19 ആൺകുട്ടികളുടെ വിഭാഗത്തിൽ നിദാൽ അഹമ്മദ് ശൈഖ്, അമൻ സെൽവരാജ് എന്നിവർ നാല് വീതം സ്വർണവും ഒാരോ വെള്ളിയും വെങ്കലവും കരസ്ഥമാക്കി. അരുൺ മുഹിൽ ഒന്ന് വീതം സ്വർണവും വെള്ളിയും വെങ്കലവും നേടിയപ്പോൾ റിക്കാർഡോ റോയ്സ് ഒരു സ്വർണവും വെങ്കലവും മുകേഷ് ജീവൻ ഒരു സ്വർണവും രണ്ട് വെങ്കലവും നേടി. എ.പി. കുഞ്ഞീദു, കെ.ടി. അക്ബർ അലി എന്നിവരാണ് ടീമിെൻറ പരിശീലകർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.