മികച്ച ശാസ്ത്ര അധ്യാപികയ്ക്കുള്ള ശിക്ഷാ ടൈംസ് ഗ്ലോബൽ എജുക്കേറ്റേഴ്സ് പുരസ്കാരവുമായി സൗമ്യ മാത്യു
ദോഹ: മികച്ച ശാസ്ത്ര അധ്യാപികയ്ക്കുള്ള ഈ വർഷത്തെ ശിക്ഷാ ടൈംസ് ഗ്ലോബൽ എജുക്കേറ്റേഴ്സ് പുരസ്കാരം ദോഹ ശാന്തിനികേതൻ ഇന്ത്യൻ സ്കൂളിലെ ഫിസിക്സ് അധ്യാപികയും സീനിയർ ആക്ടിവിറ്റി കോഓഡിനേറ്ററുമായ സൗമ്യ മാത്യുവിന്. ശാസ്ത്ര വിദ്യാഭ്യാസ രംഗത്ത് നൽകിയ മികച്ച സംഭാവനകളെയും സമർപ്പിത സേവനത്തെയും മുൻനിർത്തിയാണ് ഈ അന്താരാഷ്ട്ര അംഗീകാരം.
വിദ്യാർഥികളിൽ ശാസ്ത്രീയ ചിന്തയും സർഗാത്മകതയും വളർത്തുന്നതിലും നൂതനവും ആകർഷകമായ പഠന രീതികൾ പ്രോത്സാഹിപ്പിക്കുന്നതിനും വലിയ സംഭാവനകൾ നൽകിയ സൗമ്യ മാത്യു, ഭൗതികശാസ്ത്രത്തിലെ അടിസ്ഥാന ആശയങ്ങൾ വിദ്യാർഥികൾക്ക് ലളിതമായി മനസ്സിലാക്കുന്നതിനായി 'ഫണ്ടമെന്റൽസ് ഓഫ് ഫിസിക്സ്: എ ഹാൻഡ് ബുക്ക് ഫോർ സ്റ്റുഡന്റ്സ്' എന്ന പുസ്തകവും രചിച്ചിട്ടുണ്ട്.
നേരത്തെ ഗൾഫ് മാധ്യമം സംഘടിപ്പിച്ച ഷീ-ക്യു എക്സലൻസ് അവാർഡ് ഫസ്റ്റ് റണ്ണറപ്പായും സൗമ്യ മാത്യു തിരഞ്ഞെടുക്കപ്പെട്ടിരുന്നു. അക്കാദമിക -വിദ്യാഭ്യാസ മേഖലകളിലെ സജീവ പങ്കാളിത്തത്തിന് തുടർച്ചയായി ലഭിക്കുന്ന ഈ അംഗീകാരം അധ്യാപന ജീവിതത്തിലെ പ്രധാനപ്പെട്ട നാഴികക്കല്ലാണെന്ന് പുരസ്കാര നേട്ടത്തിൽ സന്തോഷം പങ്കുവെച്ചുകൊണ്ട് സൗമ്യ മാത്യു പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.