ഭിക്ഷാടന സംഘത്തെ ആഭ്യന്തര മന്ത്രാലയം അറസ്റ്റു ചെയ്യുന്നു (വിഡിയോ ദൃശ്യങ്ങൾ)
ദോഹ: ഒരുകൂട്ടം ആളുകളെ ഉപയോഗിച്ച് ഭിക്ഷാടനത്തിന് നേതൃത്വം നൽകിയ ഏഷ്യന് സ്വദേശി അറസ്റ്റില്.ആഭ്യന്തര മന്ത്രാലയത്തിന്റെ ക്രിമിനല് ഇന്വെസ്റ്റിഗേഷന് വകുപ്പ് ആണ് പ്രതിയെ അറസ്റ്റ് ചെയ്തത്. ഇയാളുടെ ശൃംഖലയിൽ കുടുങ്ങി ഭിക്ഷാടനം നടത്തിയ നിരവധി പേരെ അറസ്റ്റ് ചെയ്തതിന്റെ വിഡിയോയും മന്ത്രാലയം സമൂഹ മാധ്യമ അക്കൗണ്ടുകളില് പങ്കുവെച്ചിട്ടുണ്ട്.
വിവിധ മൂല്യത്തിലുള്ള ഖത്തർ റിയാലും പാസ്പോര്ട്ടും പിടിച്ചെടുത്തിട്ടുണ്ട്. മനുഷ്യക്കടത്ത് തടയുന്നതിന്റെ ഭാഗമായി നടത്തിയ പരിശോധനക്കിടെയാണ് ഭിക്ഷാടനത്തിന് നേതൃത്വം കൊടുക്കുന്ന വ്യക്തിയെയും അറസ്റ്റ് ചെയ്തത്. കൂടുതല് നിയമ നടപടിക്കായി പ്രതികളെ പബ്ലിക്ക് പ്രോസിക്യൂഷന് കൈമാറി.
ഭിക്ഷാടനത്തിനെതിരെ ആഭ്യന്തര മന്ത്രാലയം നിരന്തരം മുന്നറിയിപ്പുകൾ നൽകാറുണ്ട്. നിയമവിരുദ്ധമായ ഇത്തരത്തിലുള്ള നടപടികൾ പ്രോത്സാഹിപ്പിക്കരുതെന്നും മറ്റും സമൂഹ മാധ്യമങ്ങളിലൂടെ നേരത്തെ തന്നെ ഓർമപ്പെടുത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.