ദോഹ: അൽ ജസീറ അൽ അറബിയ സ്ട്രീറ്റിെൻറ നവീകരണ പ്രവർത്തനങ്ങൾ പൂർത്തിയായതായി പൊതു മരാമത്ത് വകുപ്പ് അശ്ഗാൽ അറിയിച്ചു.
േഗ്രറ്റർ ദോഹ പദ്ധതിയുടെ അഞ്ചാം ഘട്ടവുമായി ബന്ധപ്പെട്ട് വിവിധ മേഖലകളിലെ റോഡ് നവീകരണപ്രവർത്തനങ്ങളുടെ ഭാഗമായാണ് 1.2 കിലോമീറ്റർ നീളത്തിൽ അൽ ജസീറ അൽ അറബിയ സ്്ട്രീറ്റും സർവീസ് റോഡ് നിർമാണവും പൂർത്തിയായിരിക്കുന്നത്. നിർമാണം പൂർത്തിയാക്കിയ റോഡ് ഗതാഗതത്തിനായി തുറന്നു കൊടുത്തതായും അശ്ഗാൽ അറിയിച്ചു.
22 ഫെബ്രുവരി സ്ട്രീറ്റ്, ജാസിം ബിൻ ഹമദ് സ്ട്രീറ്റ്, അഹ്മദ് ബിൻ അലി സ്ട്രീറ്റ് എന്നിവയുമായി നേരിട്ട് ബന്ധിപ്പിക്കുന്ന അൽ ജസീറ അൽ അറബിയ സ്ട്രീറ്റ് ദോഹയുടെ വിവിധ ഭാഗങ്ങളിലേക്ക് പ്രവേശനം സാധ്യമാക്കുന്ന പ്രധാന പാതകളിലൊന്നാണെന്ന് അശ്ഗാൽ റോഡ് െപ്രാജക്ട്സ് വകുപ്പ് െപ്രാജക്ട്സ് എഞ്ചിനീയർ അലി സാമി ജമാൽ പറഞ്ഞു.ഇരു ദിശകളിലേക്കും രണ്ട് വരിപ്പാതയും 304 പാർക്കിംഗ് ബേകളും സർവീസ് റോഡുകൾക്കായി പുതിയ വെളിച്ച സംവിധാനവും നവീകരണ പ്രവർത്തനങ്ങളുടെ ഭാഗമായി സ്ഥാപിച്ചിട്ടുണ്ട്. പാതയുടെ വശങ്ങളിലായി 2000 ചതുരശ്ര മീറ്റർ ഭാഗത്ത് ലാൻഡ്സ്കേപിംഗ് പ്രവൃത്തിയും 2.5 കിലോമീറ്റർ സൈക്കിൾ പാതയും നടപ്പാതയും പൂർത്തിയാക്കിയതായും അശ്ഗാൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.