അ​ൽ വ​ക്റ​യെ വീ​ഴ്ത്തി അ​ൽ അ​റ​ബി വീ​ണ്ടും ഒ​ന്നാ​മ​ത്

ദോ​ഹ: പ​ര​മ്പ​രാ​ഗ​ത വൈ​രി​ക​ളാ​യ അ​ൽ റ​യ്യാ​നെ​തി​രെ ഖ​ത്ത​ർ ക്ലാ​സി​കോ​യി​ൽ ജ​യം വെ​ട്ടി​പ്പി​ടി​ച്ച് ക​രു​ത്ത​രാ​യ അ​ൽ​സ​ദ്ദ് വി​ജ​യ​വ​ഴി​യി​ൽ തി​രി​ച്ചെ​ത്തി. ക്യു.​എ​ൻ.​ബി ഖ​ത്ത​ർ സ്റ്റാ​ർ​സ് ലീ​ഗ് ഫു​ട്ബാ​ളി​ന്റെ ഒ​മ്പ​താം റൗ​ണ്ട് പോ​രാ​ട്ട​ത്തി​ൽ സൂ​പ്പ​ർ താ​ര​ങ്ങ​ളാ​യ ആ​ന്ദ്രേ ആ​യൂ​വും അ​ക്രം അ​ഫീ​ഫും സ്കോ​ർ ചെ​യ്ത ക​ളി​യി​ൽ ഒ​ന്നി​നെ​തി​രെ ര​ണ്ടു ഗോ​ളു​ക​ൾ​ക്കാ​യി​രു​ന്നു അ​ൽ​സ​ദ്ദി​ന്റെ ജ​യം.

അ​തേ​സ​മ​യം, അ​ൽ വ​ക്റ​യെ ഒ​ന്നി​നെ​തി​രെ ര​ണ്ടു ഗോ​ളു​ക​ൾ​ക്ക് കീ​ഴ​ട​ക്കി​യ അ​ൽ അ​റ​ബി പോ​യ​ന്റ് നി​ല​യി​ൽ അ​ൽ ദു​ഹെ​യ്‍ലി​നെ മ​റി​ക​ട​ന്ന് ഒ​ന്നാം സ്ഥാ​ന​ത്ത് തി​രി​ച്ചെ​ത്തി. ഒ​മ്പ​തു ക​ളി​ക​ളി​ൽ ഏ​ഴു ജ​യ​മ​ട​ക്കം അ​ൽ അ​റ​ബി​ക്ക് 22 പോ​യ​ന്റാ​ണു​ള്ള​ത്. ര​ണ്ടാ​മ​തു​ള്ള അ​ൽ ദു​ഹെ​യ്‍ലി​ന് 20 പോ​യ​ന്റാ​ണ് സ​മ്പാ​ദ്യം. ക​ഴി​ഞ്ഞ​ദി​വ​സം ന​ട​ന്ന ക​ളി​യി​ൽ ഉ​മ്മു​സ​ലാ​ലി​നെ 1-3 ന് ​തോ​ൽ​പി​ച്ച് അ​ൽ ദു​ഹെ​യ്ൽ ഒ​ന്നാം സ്ഥാ​ന​ത്തെ​ത്തി​യി​രു​ന്നു. ഒ​രു ദി​വ​സ​ത്തി​ന​കം പ​ക്ഷേ, അ​ൽ അ​റ​ബി ഒ​ന്നാം സ്ഥാ​നം തി​രി​ച്ചു​പി​ടി​ക്കു​ക​യാ​യി​രു​ന്നു.

ഒ​മ്പ​താം റൗ​ണ്ടി​ൽ ന​ട​ന്ന മ​റ്റൊ​രു ക​ളി​യി​ൽ അ​ൽ ഗ​റാ​ഫ​യെ മ​റു​പ​ടി​യി​ല്ലാ​ത്ത അ​ഞ്ചു ഗോ​ളു​ക​ൾ​ക്ക് മു​ക്കി​യ ഖ​ത്ത​ർ സ്​​പോ​ർ​ട്സ് ക്ല​ബ് പോ​യ​ന്റ് പ​ട്ടി​ക​യി​ൽ അ​ഞ്ചാം സ്ഥാ​ന​ത്തേ​ക്കു​യ​ർ​ന്നു. കോം​ഗോ സ്ട്രൈ​ക്ക​ർ ബെ​ൻ മ​ലാം​ഗോ ഔ​ദ്യോ​ഗി​ക​മാ​യി അ​ര​ങ്ങേ​റ്റ​ത്തി​നി​റ​ങ്ങി​യ ക​ളി​യി​ൽ ഹാ​ട്രി​ക്കു​മാ​യി ക​ളം നി​റ​ഞ്ഞ​പ്പോ​ൾ മു​ൻ സ്‍പെ​യി​ൻ താ​രം യാ​വി മാ​ർ​ട്ടി​നെ​സും ബ​ഷ​ർ റേ​സാ​നും ഓ​രോ ത​വ​ണ വ​ല കു​ലു​ക്കി. മ​റ്റൊ​രു ക​ളി​യി​ൽ അ​ൽ അ​ഹ്‍ലി ഒ​ന്നി​നെ​തി​രെ ര​ണ്ടു ഗോ​ളു​ക​ൾ​ക്ക് സെ​യ്‍ലി​യ​യെ പ​രാ​ജ​യ​പ്പെ​ടു​ത്തി.

അ​ൽ മ​സാ​ക്നി​യു​ടെ മി​ടു​ക്കി​ൽ ‘അ​റ​ബി​ക​ൾ’

ദു​​ഹൈ​ലി​നെ മ​റി​ക​ട​ന്ന് പോ​യ​ന്റ് നി​ല​യി​ൽ ഒ​ന്നാ​മ​ത് തി​രി​ച്ചെ​ത്താ​ൻ ജ​യം അ​നി​വാ​ര്യ​മാ​യ ക​ളി​യി​ൽ അ​ൽ വ​ക്റ ക​ടു​ത്ത വെ​ല്ലു​വി​ളി​യാ​ണ് അ​ൽ അ​റ​ബി​ക്കു​മു​ന്നി​ൽ ഉ​യ​ർ​ത്തി​യ​ത്. വ​ക്റ​യി​ലെ സ​ഊ​ദ് ബി​ൻ അ​ബ്ദു​റ​ഹ്മാ​ൻ സ്റ്റേ​ഡി​യ​ത്തി​ൽ 31-ാം മി​നി​റ്റി​ൽ യൂ​സു​ഫ് അ​ൽ മ​സാ​ക്നി​യു​ടെ ഗോ​ളി​ൽ അ​ൽ അ​റ​ബി​യാ​ണ് മു​ന്നി​ലെ​ത്തി​യ​ത്. റാ​വി​ന അ​ൽ​കാ​ന്റ​റ​യു​ടെ പാ​സി​ൽ​നി​ന്നാ​യി​രു​ന്നു യൂ​സു​ഫി​ന്റെ ഗോ​ൾ.

അ​ൽ അ​റ​ബി​യു​ടെ നി​യ​ന്ത്ര​ണ​ത്തി​ൽ മു​ന്നോ​ട്ടു​പോ​യ ഈ ​സ​മ​യ​ത്ത് പ​ക്ഷേ, മ​ത്സ​ര​ത്തി​ൽ ഒ​പ്പ​മെ​ത്താ​ൻ വ​ക്റ​ക്കാ​ർ​ക്ക് ക​ഴി​ഞ്ഞു. ഇ​ട​വേ​ള​ക്ക് പി​രി​യാ​നി​രി​ക്കേ, ഉ​മ​ർ അ​ലി​യെ ജാ​സിം അ​ൽ ഹെ​യ്ൽ ഫൗ​ൾ ചെ​യ്ത​തി​ന് ല​ഭി​ച്ച പെ​നാ​ൽ​റ്റി കി​ക്കാ​ണ് അ​തി​ന് വ​ഴി​യൊ​രു​ക്കി​യ​ത്. വാ​ർ വ​ഴി കി​ട്ടി​യ പെ​നാ​ൽ​റ്റി, മു​ഹ​മ്മ​ദ് ബി​ൻ യാ​ട്ടു അ​നാ​യാ​സം വ​ല​യി​ലെ​ത്തി​ച്ചു.

ഒ​ടു​വി​ൽ, 68ാം മി​നി​റ്റി​ൽ യൂ​സു​ഫ് അ​ൽ മ​സാ​ക്നി ത​ന്റെ ര​ണ്ടാം ഗോ​ളി​ലൂ​ടെ അ​ൽ അ​റ​ബി​ക്ക് ലീ​ഡ് തി​രി​ച്ചു​ന​ൽ​കു​ക​യാ​യി​രു​ന്നു. ശേ​ഷി​ക്കു​ന്ന സ​മ​യം, പ്ര​തി​രോ​ധം ശ​ക്ത​മാ​ക്കി അ​ൽ വ​ക്റ മു​ന്നേ​റ്റ​ങ്ങ​ളെ പി​ടി​ച്ചു​നി​ർ​ത്തി​യ അ​ൽ അ​റ​ബി വി​ല​പ്പെ​ട്ട മൂ​ന്നു ​​പോ​യ​ന്റ് സ്വ​ന്ത​മാ​ക്കു​ക​യാ​യി​രു​ന്നു.

അ​ൽ സ​ദ്ദി​നെ തു​ണ​ച്ച് ആ​യൂ​വും അ​ഫീ​ഫും

ലോ​ക​ക​പ്പി​നു​ശേ​ഷം ടീ​മി​ൽ തി​രി​ച്ചെ​ത്തി​യ ഘാ​ന​യു​ടെ സൂ​പ്പ​ർ സ്ട്രൈ​ക്ക​ർ ആ​ന്ദ്രേ ആ​യൂ​വാ​ണ് ഥാ​നി ബി​ൻ ജാ​സിം സ്റ്റേ​ഡി​യ​ത്തി​ൽ ന​ട​ന്ന ക​ളി​യു​ടെ ഏ​ഴാം​മി​നി​റ്റി​ൽ​ത​ന്നെ കോ​ർ​ണ​ർ​കി​ക്കി​ൽ​നി​ന്ന് വ​ന്ന പ​ന്തി​നെ വ​ല​യി​ലേ​ക്ക് വ​ഴി​തി​രി​ച്ചു​വി​ട്ട് അ​ൽ സ​ദ്ദി​നെ മു​ന്നി​ലെ​ത്തി​ച്ച​ത്. സ​മ​നി​ല​ക്കു​ള്ള അ​ൽ റ​യ്യാ​ന്റെ ഉ​റ​ച്ച ശ്ര​മ​ങ്ങ​ൾ ത​ട​ഞ്ഞ് ഗോ​ളി സ​അ​ദ് അ​ൽ ഷീ​ബ് അ​ൽ​സ​ദ്ദി​ന്റെ ര​ക്ഷ​ക്കെ​ത്തി. പ​തി​യെ ക​ളി​യി​ൽ പി​ടി​മു​റു​ക്കി​യ നീ​ല​ക്കു​പ്പാ​യ​ക്കാ​ർ 52ാം മി​നി​റ്റി​ൽ ലീ​ഡു​യ​ർ​ത്തി.

ബ​ഗ്ദാ​ദ് ബൗ​നെ​ജാ​യു​ടെ ശ്ര​മം റ​യ്യാ​ൻ പ്ര​തി​രോ​ധി​ച്ചെ​ങ്കി​ലും റീ​ബൗ​ണ്ടി​ൽ അ​ഫീ​ഫ് ലീ​ഡു​യ​ർ​ത്തു​ക​യാ​യി​രു​ന്നു. നാ​ലു മി​നി​റ്റി​നു​ശേ​ഷം മു​ൻ ഫ്ര​ഞ്ച് താ​രം സ്റ്റീ​വ​ൻ സോ​ൻ​സി ഒ​രു ഗോ​ൾ തി​രി​ച്ച​ടി​ച്ചെ​ങ്കി​ലും സ​മ​നി​ല​യി​ലേ​ക്ക് വ​ല കു​ലു​ക്കാ​ൻ റ​യ്യാ​ന് ക​ഴി​ഞ്ഞി​ല്ല. ലീ​ഗി​ലെ ഏ​റ്റ​വും താ​ര​ത്തി​ള​ക്ക​മു​ള്ള അ​ൽ സ​ദ്ദി​ന് എ​ട്ടു ക​ളി​ക​ളി​ൽ മൂ​ന്നു ജ​യ​മ​ട​ക്കം പ​ത്തു​പോ​യ​ന്റാ​ണു​ള്ള​ത്. പോ​യ​ന്റ് പ​ട്ടി​ക​യി​ൽ നി​ല​വി​ലെ ചാ​മ്പ്യ​ന്മാ​ർ എ​ട്ടാം സ്ഥാ​ന​ത്താ​ണു​ള്ള​ത്.

പി​ന്നി​ട്ടു​നി​ന്ന​ശേ​ഷം തി​രി​ച്ചു​വ​ന്ന് അ​ൽ ദു​ഹൈ​ൽ

അ​ർ​ജ​ന്റീ​ന സ്റ്റാ​ർ സ്ട്രൈ​ക്ക​റാ​യി​രു​ന്ന ഹെ​ർ​നാ​ൻ ക്രെ​സ്​​പോ​യു​ടെ ശി​ക്ഷ​ണ​ത്തി​ലാ​ണ് അ​ൽ ദു​ഹൈ​ൽ ക​ള​ത്തി​ലി​റ​ങ്ങു​ന്ന​ത്. സീ​സ​ണി​ൽ മി​ക​ച്ച ക​ളി കെ​ട്ട​ഴി​ക്കു​ന്ന ടീം ​ഒ​മ്പ​താം റൗ​ണ്ടി​ൽ ഉ​മ്മു സ​ലാ​ലി​നോ​ട് ആ​ദ്യ​പ​കു​തി​യി​ൽ പി​ന്നി​ലാ​യി​രു​ന്നു. 43ാം മി​നി​റ്റി​ൽ വാ​ല​ന്റി​​നോ യു​വ​ലാ​ണ് ദു​ഹൈ​ലി​ന്റെ വ​ല​യി​ൽ പ​ന്തെ​ത്തി​ച്ച​ത്. തോ​ൽ​വി തു​റി​ച്ചു​നോ​ക്കി​ക്കൊ​ണ്ടി​രി​ക്കെ, 81ാം മി​നി​റ്റി​ൽ ബ​സ്സാം അ​ൽ റാ​വി​യാ​ണ് സ​മ​നി​ല​ഗോ​ൾ കു​റി​ച്ച​ത്. ആ​റു​മി​നി​റ്റി​നു​ശേ​ഷം പെ​നാ​ൽ​റ്റി സ്പോ​ട്ടി​ൽ​നി​ന്ന് മൈ​ക്ക​ൽ ഒ​ലും​ഗ ദു​ഹൈ​ലി​നെ മു​ന്നി​ലെ​ത്തി​ച്ചു. ഇ​ഞ്ചു​റി ടൈ​മി​ന്റെ അ​ഞ്ചാം മി​നി​റ്റി​ൽ ഒ​ലും​ഗ വീ​ണ്ടും വ​ല കു​ലു​ക്കി​യ​തോ​ടെ ദു​ഹൈ​ലി​ന്റെ വി​ജ​യം പൂ​ർ​ണ​മാ​യി.