ഇൻഡസ്ട്രിയൽ ഏരിയ ഫാൻ ഫെസ്റ്റിവൽ സോണിൽ അബീർ മെഡിക്കൽ സെന്റർ നേതൃത്വത്തിൽ നടന്ന ക്യാമ്പിലെ മെഡിക്കൽ സംഘം
ദോഹ: അബീർ മെഡിക്കൽ സെൻറർ ഇൻഡസ്ട്രിയൽ ഏരിയ ബ്രാഞ്ച്, ആഭ്യന്തര മന്ത്രാലയം എന്നിവയുടെ നേതൃത്വത്തിൽ ഫാൻ ഫെസ്റ്റിവൽ സോണിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു.
16, 17, 18 തീയതികളിലാണ് സൗജന്യ ബ്ലഡ് ഷുഗർ, ബ്ലഡ് പ്രഷർ, ബി.എം.ഐ ഉൾപ്പെടുന്ന ക്യാമ്പ് സംഘടിപ്പിച്ചത്. ക്യാമ്പിൽ പങ്കെടുത്ത എല്ലാവർക്കും അബീർ മെഡിക്കൽ സെൻറർ സ്ട്രീറ്റ് നമ്പർ പത്തിലെ ബ്രാഞ്ചിൽ ഒരു സൗജന്യ ഡോക്ടർ കൺസൾട്ടേഷനു കൂടി സൗകര്യം ചെയ്തിട്ടുണ്ട്.
ഭൂരിഭാഗം തൊഴിലാളികളും അവരുടെ ആരോഗ്യനിലയെക്കുറിച്ച് അധികം ജാഗ്രത പാലിക്കുന്നില്ലെന്നും ഇതുപോലെയുള്ള മെഡിക്കൽ ക്യാമ്പ് അവരുടെ ആരോഗ്യനിലയെ ബോധ്യപ്പെടുത്താനും ജീവിതശൈലിയും, ആരോഗ്യ കാര്യത്തിൽ ജാഗ്രത പുലർത്താൻ അവരെ സഹായിക്കുകയും ചെയ്യുമെന്നും അബീർ ഖത്തർ ഗ്രൂപ് മേധാവി ഡോ. നിത്യാനന്ദ സ്വാമി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.