കെ.എം.സി.സി സലാല ദോഫാർ ക്ലബ്ബ്മൈതാനിയിൽ ഒരുക്കിയ സമൂഹ നോമ്പ് തുറ
സലാല: കെ.എം.സി.സി സലാലയിൽ ഒരുക്കിയ ഇഫ്താറിൽ ആയിരങ്ങൾ പങ്കെടുത്തു. ദോഫാർ ക്ലബ് മൈതാനിയിൽ നടന്ന ഇഫ്താറിൽ സലാലയിലെ വിവിധ ഭാഗങ്ങളിൽ നിന്നെത്തിയ മലയാളികൾക്ക് പുറമെ സ്വദേശികളും വിവിധ രാജ്യക്കാരായ പ്രവാസികളും പങ്കെടുത്തു.
കഴിഞ്ഞ് മൂന്ന് വർഷത്തെ ഇടവേളക്ക് ശേഷമാണ് വിപുലമായ രീതിയിൽ ഇഫ്താർ ഒരുക്കാൻ കഴിഞ്ഞതെന്ന് കെ.എം.സി.സി. പ്രസിഡന്റ് നാസർ പെരിങ്ങത്തൂർ പറഞ്ഞു. കോൺസുലാർ ഏജന്റ് ഡോ. കെ. സനാതനൻ, ഇന്ത്യൻ സ്കൂൾ പ്രസിഡന്റ് ഡോ. അബൂബക്കർ സിദ്ദീഖ് , ഐ.എസ്.സി പ്രസിഡന്റ് രാകേഷ് കുമാർ ഝാ, ഒ.അബ്ദുൽ ഗഫൂർ വിവിധ സാമൂഹ്യ സാംസ്കാരിക സംഘടന നേതാക്കളും സംബന്ധിച്ചു.
ആക്ടിങ് ജനറൽ സെക്രട്ടറി നാസർ കമൂന, റഷീദ് കൽപറ്റ, കൺവീനർ സി. ഷംസുദ്ദീൻ, റഹീം താനാളൂർ, ശഫീഖ് തങ്ങൾ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.