റിഷാദ്
മസ്കത്ത്: ഒമാനിലെ സൂർ ഖൽഹാത്ത് മേഖലയിലുണ്ടായ വാഹനാപകടത്തിൽ കണ്ണൂർ സ്വദേശിയായ യുവാവ് മരിച്ചു. മൊറാഴ കുമ്മനാട് മങ്ങാടന്റകത്ത് ഹൗസിൽ അബ്ദുല്ല -നസീമ ദമ്പതികളുടെ മകൻ റിഷാദ് (39) ആണ് മരിച്ചത്. ശനിയാഴ്ച രാത്രി റിഷാദ് സഞ്ചരിച്ച കാർ ഡിവൈഡറിലിടിച്ചാണ് അപകടം.
കാർഗോ കമ്പനിയിൽ ജീവനക്കാരനായിരുന്നു. ദീർഘകാലമായി ഒമാനിൽ പ്രവാസിയാണ്. ഭാര്യ: സുലൈന. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹത്തിന്റെ മരണാനന്തര നടപടിക്രമങ്ങൾ മസ്കത്ത് കെഎംസിസി കെയർ വിംഗിന്റെ നേതൃത്വത്തിൽ നടന്നുവരുന്നു.
തിങ്കളാഴ്ച പുലർച്ചെ മൂന്നിന് ഒമാൻ എയർ ഫ്ലൈറ്റിൽ മയ്യിത്ത് കോഴിക്കോട് അന്താരാഷ്ട്ര വിമാനത്താവളത്തിലെത്തിക്കാനുള്ള നടപടികൾ പുരോഗമിച്ചുവരികയാണ്. തുടർന്ന് സ്വദേശമായ കണ്ണൂർ മൊറാഴയിൽ ഖബറടക്കുമെന്ന് ബന്ധുക്കൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.