കോട്ടയം ഡിസ്ട്രിക്ട് പ്രവാസി അസോസിയേഷൻ ഒമാന്റെ ആഭിമുഖ്യത്തിൽ നടന്ന കുടുംബസംഗമവും ഓണാഘോഷവും
കെ.ഡി.പി.എ കുടുംബസംഗമവും ഓണാഘോഷവും
മസ്കത്ത്: കോട്ടയം ഡിസ്ട്രിക്ട് പ്രവാസി അസോസിയേഷൻ ഒമാന്റെ ആഭിമുഖ്യത്തിൽ കുടുംബസംഗമവും ഓണാഘോഷവും സംഘടിപ്പിച്ചു. റൂവിയിലെ റെക്സ് റോഡിലുള്ള ഗാലക്സി ഗ്രാൻഡ് ഹാളിൽ നടന്ന പരിപാടിയിൽ കോട്ടയം ജില്ലയിൽ നിന്നുള്ള പ്രവാസികളും കുടുംബാംഗങ്ങളുമടക്കം ഇരുന്നൂറോളം പേർ പങ്കെടുത്തു.
അസോസിയേഷൻ പ്രസിഡന്റ് ബാബു തോമസ് അധ്യക്ഷത വഹിച്ചു. ഇന്ത്യൻ സ്കൂൾ ബോർഡ് അംഗം ഡോ. കിരൺ ജി.ആർ. മുഖ്യാതിഥിയായി. ഇന്ത്യൻ സോഷ്യൽ ക്ലബ് മലയാളം വിഭാഗം കൺവീനർ താജ് മാവേലിക്കര, ലോകകേരള സഭാംഗം വിൽസൺ ജോർജ്, പാലക്കാട് ഫ്രണ്ട്സ് കൂട്ടായ്മ പ്രസിഡന്റ് ശ്രീകുമാർ തുടങ്ങിയവർ സംബന്ധിച്ചു.
അസോസിയേഷൻ അംഗങ്ങൾ അവതരിപ്പിച്ച വിവിധ കലാപരിപാടികൾ, നൃത്തങ്ങൾ, ഗാനാലാപനം, തിരുവാതിര എന്നിവ ആഘോഷത്തിന് നിറം പകർന്നു. മാവേലി, ത്രിപുടയുടെ ചെണ്ടമേളം, പരമ്പരാഗത ഓണസദ്യ എന്നിവ മാറ്റുകൂട്ടി. രാവിലെ ആരംഭിച്ച് ഉച്ചവരെ നീണ്ട പരിപാടി പ്രവാസി കുടുംബങ്ങൾക്ക് ഒത്തുചേരാനും സൗഹൃദം പുതുക്കാനുമുള്ള വേദിയായി. അസോസിയേഷന്റെ ആദ്യകാല മുതിർന്ന അംഗം പി.കെ. ശശി ആശംസകൾ നേർന്നു. എക്സിക്യൂട്ടീവ് അംഗം ഹരിദാസ് നന്ദി പറഞ്ഞു. അപർണ അവതാരകയായി. എക്സിക്യൂട്ടീവ് അംഗങ്ങളായ ജയൻ, ജാൻസ്, പ്രിയരാജ്, സലിം, രാകേഷ്, കോശി, സുരേഷ്, ഡിനി എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.