മസ്കത്ത്: ബദർ അൽസമ ഗ്രൂപ് ഒാഫ് ഹോസ്പിറ്റൽസിെൻറ ആഭിമുഖ്യത്തിൽ ഹൃദ്രോഗ വിദ ഗ്ധരുടെ അന്തർദേശീയ സമ്മേളനവും വർക്ഷോപ്പും ‘കാർഡിയോകോൺ 2019’ സംഘടിപ്പിച്ചു. ഖുറമിലെ ക്ലൗൺപ്ലാസ ഹോട്ടലിൽ നടന്ന പരിപാടിയിൽ 300ഓളം പേർ പെങ്കടുത്തു. ആരോഗ്യ മന്ത്രാലയത്തിലെ സ്വകാര്യ ആശുപത്രികളുടെ വിഭാഗം മേധാവിയായ ഡോ. മാസിൻ ജവാദ് അൽ ഖാബൂരി മുഖ്യാതിഥിയും ഡോ. സാലിം അബ്ദുല്ല സാലിം അൽ ഹർമി വിശിഷ്ടാതിഥിയുമായിരുന്നു. പ്രസേൻറഷനുകൾ, സയൻറിഫിക് സെഷനുകൾ, റൂവി ബദർ അൽ സമ ആശുപത്രിയിൽനിന്നുള്ള ഹൃദയധമനി ശസ്ത്രക്രിയകളുടെ ലൈവ് ട്രാൻസ്മിഷൻ, ഒപ്പം, വർക്ഷോപ്പുകൾ എന്നിവയും നടന്നു. െഎ.എം.എ നെടുമ്പാശേരി ചാപ്റ്ററുമായി ചേർന്നാണ് സമ്മേളനം നടത്തിയത്. ഗ്രൂപ് മെഡിക്കൽ ഡയറക്ടർ ഡോ.ബെന്നി പനക്കൽ സമ്മേളനത്തിെൻറ ചെയർമാനും ബദർ അൽ സമയിലെ ഇ.എൻ.ടി സ്പെഷലിസ്റ്റും െഎ.എം.എ നെടുമ്പാശേരി പ്രസിഡൻറുമായ ഡോ. പോൾ എബ്രഹാം സമ്മേളനത്തിെൻറ കോ-ചെയർമാനുമായിരുന്നു. കേരളത്തിൽ ആദ്യ ഹൃദയമാറ്റ ശസ്ത്രക്രിയ നടത്തിയ ഡോ.ജോസ് ചാക്കോ പെരിയപുറം ഹൃദയമാറ്റ ശസ്ത്രക്രിയകളെ കുറിച്ച പ്രത്യേക സെഷൻ അവതരിപ്പിച്ചു.
റോയൽ ആശുപത്രിയിലെ നാഷനൽ ഹാർട്ട് സെൻറർ മേധാവി ഡോ. ആദിൽ അബ്ദുൽ മജീദ് അൽ ലവാത്തി ചർച്ച നയിച്ചു. എ.െഎ.എം.എസിലെ ഡോ.ടി. രാജേഷ് ട്രാൻസ് റേഡിയൽ കൊറോണറി ഇൻറർവെൻഷൻസ് എന്ന വിഷയം അവതരിപ്പിച്ചു. എ.െഎ.എം.എസിലെ ഡോ.കെ.യു നടരാജൻ, എൻ.എച്ച്.സിയിലെ ഡോ. മുഹമ്മദ് അൽ റവാഹി, ഡോ. ബെന്നി പനക്കൽ, ഡോ. രാജേഷ്, ഡോ. സുമൻ, ഡോ. നാഗരാജു, ഡോ. ബാലു വൈദ്യനാഥൻ, ഡോ. ഹലീമ ആദം അൽ ഹഷ്മി തുടങ്ങിയവർ വിവിധ സെഷനുകളിൽ സംസാരിക്കുകയും വർക്ഷോപ്പുകളിൽ പെങ്കടുക്കുകയും ചെയ്തു. ഡോക്ടർമാരുടെ പ്രഫഷനൽ മികവ് വർധിപ്പിക്കുന്നത് ബദർ അൽ സമ തുടക്കം മുതൽ ഉൗന്നൽ നൽകിവരുന്നുണ്ടെന്ന് സമ്മേളനത്തിൽ പെങ്കടുത്ത ഗ്രൂപ് മാനേജിങ് ഡയറക്ടർമാരായ അബ്ദുൽ ലത്തീഫും ഡോ.പി.എ. മുഹമ്മദും പറഞ്ഞു. ഭാവിയിലും വിവിധ സ്പെഷാലിറ്റികളിൽ ഇത്തരം ലോകോത്തര സമ്മേളനങ്ങൾ സംഘടിപ്പിക്കുമെന്ന് ഇരുവരും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.