വി​സ ത​ട്ടി​പ്പി​ൽ കു​ടു​ങ്ങി​യ മാ​താ​വും മ​ക​നും ഒ​ടു​വി​ൽ നാ​ട​ണ​ഞ്ഞു

മ​സ്ക​ത്ത്​: വി​സ ത​ട്ടി​പ്പു സം​ഘ​ത്തി​ന്റെ കെ​ണി​യി​ൽ അ​ക​പ്പെ​ട്ട്​ ഒ​മാ​നി​ൽ കു​ടു​ങ്ങി​യ ഒ​മ്പ​തു വ​യ​സ്സുകാ​ര​നും മാ​താ​വും സാ​മൂ​ഹി​ക പ്ര​വ​ർ​ത്ത​ക​രു​ടെ ഇ​ട​പ്പെ​ട​ലി​നെ​ത്തു​ട​ർ​ന്ന്​ സു​ര​ക്ഷി​ത​മാ​യി നാ​ട​ണ​ഞ്ഞു. ത​ട്ടി​പ്പ് സം​ഘ​ത്തി​നെ​തി​രെ റോ​യ​ൽ ഒ​മാ​ൻ പൊ​ലീ​സി​ലും ഇ​ന്ത്യ​ൻ എം​ബ​സി​യി​ലും പ​രാ​തി ന​ൽ​കി​യശേ​ഷ​മാ​ണ് ഇ​വ​ർ ഒ​മാ​നി​ൽ നി​ന്നും പോ​യ​ത്. മാ​താ​വി​ന്റെ​യും കു​ട്ടി​യു​ടെ​യും യാ​ത്രാ​രേ​ഖ​ക​ൾ എ​ല്ലാം ശ​രി​യാ​ക്കി സു​ര​ക്ഷി​ത​മാ​യി നാ​ട്ടി​ലേ​ക്ക് അ​യ​ച്ച​താ​യി റൂ​വി കെ.​എം.​സി.​സി അ​റി​യി​ച്ചു.

ഒ​രു വ​ർ​ഷ​ത്തി​ലേ​റെ​യാ​യി ഒ​മാ​നി​ൽ വ്യാ​ജ റി​ക്രൂ​ട്ട്‌​മ​ന്റ്‌ ഏ​ജ​ന്റി​ന്റെ വ​ല​യി​ൽ അ​ക​പ്പെ​ട്ട സ്ത്രീ​യു​ടെ ഒ​മ്പ​തു​വ​യ​സ്സുകാ​ര​നാ​യ മ​ക​നെ അ​ഞ്ചു മാ​സം മു​മ്പാ​ണ്​ ഉ​ന്ന​ത​പ​ഠ​ന​ങ്ങ​ള​ട​ക്ക​മു​ള്ള​ ‌ പ്ര​ലോ​ഭ​ന​ങ്ങ​ൾ ന​ൽ​കി ഒ​മാ​നി​ലെ​ത്തി​ച്ച​ത്‌. കു​ട്ടി​യു​ടെ പി​താ​വ് ഖ​ത്ത​റി​ൽ ടാ​ക്സി ജീ​വ​ന​ക്കാ​ര​നാ​യി​രു​ന്ന കൊ​ല്ലം സ്വ​ദേ​ശി​യാ​ണ്‌. കു​ട്ടി​യു​ടെ മാ​താ​വു​മാ​യു​ള്ള ബ​ന്ധം ഒ​രു​വ​ർ​ഷം മു​മ്പ്​ ഇ​ദ്ദേ​ഹം വേ​ർ​പെ​ടു​ത്തി​യി​രു​ന്നു.

മ​ക​ന്റെ തി​രോ​ധാ​ന​ത്തെക്കുറി​ച്ച്‌ അ​ന്വേ​ഷി​ക്കാ​ൻ ഇ​ദ്ദേ​ഹം ഒ​മാ​നി​ലെ​ത്തി റു​വി കെ.​എം.​സി.​സി​യു​ടെ സ​ഹാ​യം തേ​ടി​യ​പ്പോ​ഴാ​ണ്​ വി​സ ത​ട്ടി​പ്പ്‌ ന​ട​ത്തു​ന്ന സം​ഘ​ത്തി​ന്റെ വ​ല​യി​ലാ​ണ്‌ മാ​താ​വും മ​ക​നു​മെ​ന്ന് മ​ന​സ്സി​ലാ​ക്കാ​ൻ ക​ഴി​ഞ്ഞ​ത്‌. കു​ട്ടി​യു​ടെ പാ​സ്​​പോ​ർ​ട്ട്​ സം​ഘം കൈ​വ​ശ​പ്പെ​ടു​ത്തി​യ​ശേ​ഷം ഇ​ത്​ നാ​ട്ടി​ലെ​ത്തി​ക്കു​ക​യാ​യി​രു​ന്നു. പാ​സ്​​പോ​ർ​ട്ട്​ ല​ഭി​ക്കാ​നാ​യി വ​ലി​യ തു​ക​യാ​ണ്​ സം​ഘം ആ​വ​ശ്യ​പ്പെ​ട്ടി​രു​ന്ന​ത്. ഇ​തു​മാ​യി ബ​ന്ധ​പ്പെ​ട്ട്​ പി​താ​വ്​ റോ​യ​ൽ ഒ​മാ​ൻ പൊ​ലീ​സി​ലും കൊ​ണ്ടോ​ട്ടി പൊ​ലീ​സി​ലും പ​രാ​തി ന​ൽ​കു​ക​യും ചെ​യ്തി​രു​ന്നു. തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ൽ കു​ട്ടി​യു​ടെ പാ​സ്പോ​ർ​ട്ട്‌ കൊ​ണ്ടോ​ട്ടി പൊ​ലീ​സി​ന്റെ സ​ഹാ​യ​ത്തോ​ടെ നാ​ട്ടി​ലു​ള്ള സം​ഘ​ത്തി​ൽ​നി​ന്ന് ല​ഭി​ച്ചു. കു​ട്ടി​യു​ടെ പാ​സ്പോ​ട്ട്‌ ന​ൽ​കാ​മെ​ന്ന് പ​റ​ഞ്ഞ്‌ നാ​ട്ടി​ൽ നി​ന്നും പ​ണം ആ​വ​ശ്യ​പ്പെ​ട്ട ത​ട്ടി​പ്പു സം​ഘ​ത്തി​ലെ പ്ര​തി​യെ ക​രി​പ്പൂ​ർ എ​യ​ർ​പോ​ർ​ട്ട്‌ എ​സ്‌.​ഐ ക​സ്റ്റ​ഡി​യി​ലെ​ടു​ക്കു​ക​യും‌ ചെ​യ്തിരുന്നു.