ആ​ശ​ങ്ക​ക്ക് വി​രാ​മം; ഇ​റാ​നി​ൽ കു​ടു​ങ്ങി​യ മ​ല​യാ​ളി കു​ടും​ബം ഒ​മാ​നി​ൽ തി​രി​ച്ചെ​ത്തി

മ​സ്ക​ത്ത്: യു​ദ്ധ​ത്തി​നി​ടെ ഇ​റാ​നി​ൽ കു​ടു​ങ്ങി​യ മ​ല​യാ​ളി കു​ടും​ബം ദി​വ​സ​ങ്ങ​ൾ നീ​ണ്ട അ​നി​ശ്ചി​ത​ത്വ​ത്തി​നും ആ​ശ​ങ്ക​ക്കും വി​രാ​മ​മി​ട്ട് ഒ​ടു​വി​ൽ മ​സ്ക​ത്തി​ൽ തി​രി​ച്ചെ​ത്തി. ടൂ​റി​സ്റ്റ് വി​സ​യി​ൽ ഇ​റാ​നി​ലെ​ത്തി​യ മ​ല​പ്പു​റം വ​ള്ളി​ക്കു​ന്ന്, ചെ​ട്ടി​പ്പ​ടി സ്വ​ദേ​ശി​ക​ളാ​യ മു​ഹ​മ്മ​ദ് റ​ഫീ​ഖ്, മു​ഹ​മ്മ​ദ് ഷ​ഫീ​ഖ്, നൗ​റി​ന്‍, സോ​ഫി​യ എ​ന്നി​വ​രാ​ണ് വ്യാ​ഴാ​ഴ്ച ഉ​ച്ച​യോ​ടെ ഇ​റാ​നി​ൽ​നി​ന്ന് ഇ​റാ​ഖി​ലെ ബ​സ്റ വ​ഴി മ​സ്ക​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി​യ​ത്. ഒ​മാ​നി​ൽ​നി​ന്ന് ഉ​ന്ന​ത​ത​ല ഇ​ട​പെ​ട​ലു​ണ്ടാ​യ​തി​നു പി​ന്നാ​ലെ​യാ​ണ് ഇ​റാ​ഖ് വി​സ ല​ഭി​ച്ച് സം​ഘം സു​ൽ​ത്താ​നേ​റ്റി​ൽ തി​രി​ച്ചെ​ത്തി​യ​ത്. ഒ​മാ​നി​ലെ സൂ​റി​ൽ താ​മ​സി​ക്കു​ന്ന സം​ഘം പെ​രു​ന്നാ​ൾ അ​വ​ധി​യു​ടെ ഭാ​ഗ​മാ​യാ​ണ് ഇ​റാ​നി​ലെ​ത്തു​ന്ന​ത്.

ടൂ​റി​സ്റ്റ് സ്ഥ​ല​ങ്ങ​ൾ സ​ന്ദ​ർ​ശി​ച്ച് നാ​ലു ദി​വ​സ​ത്തി​നു​ശേ​ഷം മ​സ്ക​ത്തി​ലേ​ക്ക് തി​രി​ക്കാ​നാ​യി തെ​ഹ്റാ​നി​ൽ പോ​കാ​നി​രി​ക്കെ​യാ​ണ് ജൂ​ൺ 12ന് ​പു​ല​ർ​ച്ചെ ഇ​സ്രാ​യേ​ൽ ആ​ക്ര​മ​ണം ഉ​ണ്ടാ​കു​ന്ന​​തെ​ന്ന് മു​ഹ​മ്മ​ദ് റ​ഫീ​ഖ് ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. താ​മ​സി​ക്കു​ന്ന ഹോ​ട്ട​ലി​ന്റെ ലോ​ഞ്ചി​ൽ​നി​ന്ന് നോ​ക്കു​മ്പോ​ൾ പു​ക​ച്ചു​രു​ളു​ക​ളും തീ​യും മ​റ്റും കാ​ണാ​മാ​യി​രു​ന്നു.

ഒ​ടു​വി​ൽ മ​സ്ക​ത്തി​ലേ​ക്ക് തി​രി​ക്കാ​നാ​യി ടാ​ക്സി കാ​റി​ൽ ഞ​ങ്ങ​ൾ തെ​ഹ്റാ​നി​ലേ​ക്ക് പോ​യി. എ​ന്നാ​ൽ, പ്ര​തീ​ക്ഷി​ക്കു​ന്ന​തി​നും അ​പ്പു​റ​ത്താ​യി​രു​ന്നു തെ​ഹ്റാ​നി​ലെ സ്ഥി​തി​ഗ​തി​ക​ൾ. അ​വി​ടെ​നി​ന്നും എ​ല്ലാ​വ​രേ​യും ഒ​ഴി​പ്പി​ക്കു​ക​യാ​യി​രു​ന്നു. ഇ​തോ​ടെ ആ​ശ​ങ്ക വ​ർ​ധി​ക്കു​ക​യും ഒ​ടു​വി​ൽ ഇ​റാ​നി​ലെ ഇ​ന്ത്യ​ൻ എം​ബ​സി ന​മ്പ​റി​ൽ ബ​ന്ധ​പ്പെ​ട്ടെ​ങ്കി​ലും നി​രാ​ശ​യാ​യി​രു​ന്നു ഫ​ലം എ​ന്ന് റ​ഫീ​ഖ് പ​റ​ഞ്ഞു. എ​ന്നാ​ൽ, കൂ​ടെ​യു​ണ്ടാ​യി​രു​ന്ന ഒ​മാ​നി​ക​ൾ ഞ​ങ്ങ​ളെ ഒ​മാ​ൻ എം​ബ​സി​യി​ലേ​ക്ക് കൂ​ട്ടി​ക്കൊ​ണ്ടു​പോ​യി. സ്വ​ന്തം പൗ​ര​ൻ​മാ​രെ അ​ല്ലാ​തെ മ​റ്റു​ള്ള​വ​രെ സ്വീ​ക​രി​ക്കാ​ൻ ഒ​മാ​ൻ എം​ബ​സി​ക്ക് നി​ർ​വാ​ഹ​മു​ണ്ടാ​യി​രു​ന്നി​ല്ല. എ​ന്നാ​ൽ, കൂ​ടെ​യു​ണ്ടാ​യി​രു​ന്ന ഒ​മാ​നി​ക​ളു​ടെ ഇ​ട​പെ​ട​ലി​നെ​ത്തു​ട​ർ​ന്ന് താ​ൽ​ക്കാ​ലി​ക താ​മ​സ​സൗ​ക​ര്യം ല​ഭി​ച്ചു.

അ​വ​ധി ദി​ന​മാ​യ വെ​ള്ളി, ശ​നി ദി​വ​സം​വ​രെ ഈ ​താ​ൽ​ക്കാ​ലി​ക സൗ​ക​ര്യം ഉ​പ​യോ​ഗ​പ്പെ​ടു​ത്ത​ണ​മെ​ന്നും അ​തി​നു​ശേ​ഷം ഇ​ന്ത്യ​ൻ എം​ബ​സി​യെ സ​മീ​പി​ക്ക​ണ​മെ​ന്നു​മാ​യി​രു​ന്നു ഒ​മാ​ൻ അ​ധി​കൃ​ത​ർ പ​റ​ഞ്ഞി​രു​ന്ന​തെ​ന്ന് റ​ഫീ​ഖ് പ​റ​ഞ്ഞു. ഇ​തി​നി​ട​ക്ക് ഞ​ങ്ങ​ൾ ഇ​ന്ത്യ​ൻ എം​ബ​സി​യു​മാ​യി ബ​ന്ധ​​പ്പെ​ട്ടെ​ങ്കി​ലും ​പ്ര​തീ​ക്ഷാ​വ​ഹ​മാ​യി​രു​ന്നി​ല്ല അ​വി​ടെ​നി​ന്നു​ള്ള മ​റു​പ​ടി. അ​വ​ധി ദി​വ​സം ക​ഴി​ഞ്ഞ​തോ​ടെ സ്വ​ന്തം പൗ​ര​ൻ​മാ​രെ തി​രി​ച്ച് കൊ​ണ്ടു​പോ​കു​ന്ന​തി​നു​ള്ള ന​ട​പ​ടി​ക​ൾ ഒ​മാ​ൻ ആ​രം​ഭി​ച്ചി​രു​ന്നു. ഞ​ങ്ങ​ളു​ടെ യാ​ത്ര വീ​ണ്ടും അ​നി​ശ്ചി​ത​മാ​യി നീ​ണ്ടു.

കൂ​ടെ​യു​ണ്ടാ​യി​രു​ന്നു ഒ​മാ​നി പൗ​ര​ന്റെ ശ​ക്ത​മാ​യ ഇ​ട​പെ​ട​ലും മാ​നു​ഷി​ക പ​രി​ഗ​ണ​ന​യും ക​ണ​ക്കി​ലെ​ടു​ത്ത് അ​ധി​കൃ​ത​ർ വീ​ണ്ടും ഞ​ങ്ങ​ൾ​ക്ക് യാ​ത്രാ​സൗ​ക​ര്യം ഒ​രു​ക്കി. ഇ​തോ​ടെ ബ​ന്ദ​റു​ൽ അ​ബ്ബാ​സ് വ​ഴി ഇ​റാ​ഖി​ലേ​ക്കു​ള്ള ബ​സ്റ​യി​ലേ​ക്ക് ഒ​മാ​നി പൗ​ര​ൻ​മാ​രു​ടെ കൂ​ടെ ഞ​ങ്ങ​ളെ​യും കൂ​ട്ടി. അ​ങ്ങ​​​​നെ ബ​സ്റ​യി​ൽ എ​ത്തി. ഇ​നി പെ​ട്ടെ​ന്ന് മ​സ്ക​ത്തി​ലേ​ക്ക് തി​രി​ക്കാ​മെ​ന്ന് വി​ചാ​രി​ച്ചി​രി​ക്കു​​​മ്പോ​ഴാ​ണ് മ​റ്റൊ​രു ത​ട​സ്സം ഉ​ട​ലെ​ടു​ക്കു​ന്ന​ത്. ഞ​ങ്ങ​ൾ​ക്ക് ഇ​റാ​ഖ് വി​സ ഉ​ണ്ടാ​യി​രു​ന്നി​ല്ല. കൂ​ടെ​യു​ണ്ടാ​യി​രു​ന്ന ഒ​മാ​നി​ക​ൾ​ക്കെ​ല്ലാം ഉ​ന്ന​ത ബ​ന്ധ​പ്പെ​ട​ലി​ലൂ​ടെ വി​സ ല​ഭി​ച്ചി​രു​ന്നു.

ഞ​ങ്ങ​ൾ വീ​ണ്ടും ഇ​റാ​നി​ലേ​ക്ക് ത​ന്നെ തി​രി​ച്ചു​പോ​ക​ണ​മെ​ന്ന നി​ല​പാ​ടി​ലാ​യി​രു​ന്നു ഇ​റാ​ഖ് ഉ​ദ്യോ​ഗ​സ്ഥ​ർ. ഇ​വി​ടെ​യും കൂ​ടെ​യു​ണ്ടാ​യി​രു​ന്ന ഒ​മാ​നി​ക​ൾ ഇ​ട​പെ​ടാ​ൻ ശ്ര​മി​ച്ചെ​ങ്കി​ലും വി​ജ​യം ക​ണ്ടി​ല്ല.

ഇ​തി​നി​ടെ അ​വി​ടെ ദൈ​വ​ദൂ​ത​നെ പോ​ലെ എ​ത്തി​യ ഉ​ന്ന​ത ഒ​മാ​നി ഉ​ന്ന​ത ഉ​ദ്യോ​ഗ​സ്ഥ​ന്റെ ഇ​ട​പെ​ട​ലാ​ണ് ഞ​ങ്ങ​ൾ​ക്ക് വി​സ​യും മ​സ്ക​ത്തി​ലേ​ക്ക് തി​രി​ക്കാ​നു​ള്ള വ​ഴി​യും ഒ​രു​ങ്ങി​യ​തെ​ന്ന് റ​ഫീ​ഖ് പ​റ​ഞ്ഞു.

അ​ദ്ദേ​ഹം മ​സ്ക​ത്തി​ലെ ഉ​ന്ന​ത ഉ​ദ്യോ​ഗ​സ്ഥ​രു​മാ​യി സം​സാ​രി​ച്ച​തി​നെ തു​ട​ർ​ന്നാ​ണ് ഞ​ങ്ങ​ളു​ടെ കാ​ര്യ​ത്തി​ൽ അ​നു​കൂ​ല​മാ​യി ന​ട​പ​ടി​യു​ണ്ടാ​കു​ന്ന​ത്. കൂ​ടെ​യു​ണ്ടാ​യി​രു​ന്ന ഒ​മാ​നി​ക​ൾ​ക്കും ഞ​ങ്ങ​ളു​ടെ കാ​ര്യ​ത്തി​ൽ ഇ​ട​പെ​​ട്ട സു​ൽ​ത്താ​നേ​റ്റി​ലെ ഉ​ദ്യോ​ഗ​സ്ഥ​ർ​ക്കും അ​ക​മ​ഴി​ഞ്ഞ ന​ന്ദി അ​റി​യി​ക്കു​ക​യാ​ണെ​ന്ന് മ​ല​യാ​ളി കു​ടും​ബം ഗ​ൾ​ഫ് മാ​ധ്യ​മ​ത്തോ​ട് പ​റ​ഞ്ഞു.

ഉ​ച്ച​യോ​ടെ ത​ന്നെ ഇ​വ​ർ മ​സ്ക​ത്തി​ൽ​നി​ന്ന് താ​മ​സ​സ്ഥ​ല​മാ​യ സൂ​റി​ലേ​ക്ക് ​പോ​കു​ക​യും ചെ​യ്തു.