ബുറൈമി: നബിദിനത്തോടനുബന്ധിച്ച് ബുറൈമി ഐ.സി.എഫ് ഹുബ്ബുറസൂൽ സർഗസന്ധ്യ സംഘടിപ്പിച്ചു. ശനിയാഴ്ച രാത്രി അൽമാസ ഓഡിറ്റോറിയത്തിലായിരുന്നു പരിപാടി. കേരള ഫോക്ലോർ അക്കാദമി അവാർഡ് ജേതാവും ദഫ്മുട്ട് ആചാര്യനുമായ ഡോ. കോയ കാപ്പാടിെൻറ നേതൃത്വത്തിൽ സംസ്ഥാന സാഹിത്യോത്സവ് പ്രതിഭകളായ ശമ്മാസ്, റിയാസ്, മഹ്ഫൂസ് കമാൽ എന്നിവരടങ്ങുന്ന സംഘമാണ് പരിപാടികൾ അവതരിപ്പിച്ചത്.
മദ്ഹ് ഗാനം, മാപ്പിളപ്പാട്ട്, ബുർദ, ഖവാലി, രിഫായി നശീദ തുടങ്ങി വിവിധ ഭക്തിഗാന ശാഖകളെ സമന്വയിപ്പിച്ച് നടത്തിയ സർഗവിരുന്ന് ബുറൈമിയിലെ പ്രവാസ കൈരളിക്ക് നവ്യാനുഭവമായി.
ബുറൈമി മർകസ് വിദ്യാർഥികളുടെ കലാപരിപാടികളും ഇതോടൊപ്പം നടന്നു. ദുബൈ മസ്ജിദ് ഇമാം ശൈഖ് റാശിദ് അൽ ഫലാസി ഉദ്ഘാടനം ചെയ്തു. സൈനുദ്ദീൻ ബാഖവി അധ്യക്ഷത വഹിച്ചു. അഹ്മദ് കുട്ടി, ഡോ. ഹുസൈൻ, അബ്ദുൽ കരീം നഹാസ്, ഇബ്രാഹിം ഹാജി, ജാബിർ നസീം, അലി അക്ബർ സഖാഫി ഹുബൈൽ, പ്രകാശ്, ഷംസുദ്ദീൻ, ഹാരിസ് ഹാജി എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.