പ്രതിരോധ കാര്യ ഉപപ്രധാനമന്ത്രി സയ്യിദ് ശിഹാബ് ബിൻ താരിഖ് അൽ സഈദുമായി ഖത്തർ അംബാസഡർ ശൈഖ് ജാസിം അബ്ദുൽറഹ്മാൻ അൽഥാനി കൂടിക്കാഴ്ച നടത്തുന്നു
മസ്കത്ത്: സേവന കാലാവധി കഴിഞ്ഞ് നാട്ടിലേക്ക് മടങ്ങുന്ന ഖത്തർ അംബാസഡർ ശൈഖ് ജാസിം അബ്ദുൽറഹ്മാൻ അൽഥാനിക്ക് സുൽത്താൻ ഹൈതം ബിൻ താരിഖിന്റെ പ്രതിനിധി പ്രതിരോധ കാര്യ ഉപപ്രധാനമന്ത്രി സയ്യിദ് ശിഹാബ് ബിൻ താരിഖ് അൽ സഈദ് യാത്രയയപ്പ് നൽകി.
ഒമാനും ഖത്തറും തമ്മിലുള്ള ഉഭയകക്ഷി ബന്ധം ശക്തിപ്പെടുത്താൻ നടത്തിയ ശ്രമങ്ങൾക്ക് പ്രതിരോധ കാര്യങ്ങളുടെ ഉപപ്രധാനമന്ത്രി അംബാസഡർക്ക് നന്ദി പറയുകയും വിജയം ആശംസിക്കുകയും ചെയ്തു. സുൽത്താനേറ്റിൽ തനിക്ക് ലഭിച്ച സഹകരണത്തിന് അംബാസഡർ നന്ദി അറിയിക്കുകയും ചെയ്തു.
ഒമാൻ വിദേശകാര്യ മന്ത്രി സയ്യിദ് ബദർ ഹമദ് അൽ ബുസൈദിയും യാത്രയയപ്പ് നൽകി. ഇരുരാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിനുള്ള അംബാസഡറുടെ ശ്രമങ്ങൾക്ക് സയ്യിദ് ബദർ നന്ദി പറഞ്ഞു. ഭാവി ചുമതലകളിൽ വിജയിക്കട്ടെയെന്ന് ആംശസിക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.