ഒ​രു​വ​ർ​ഷ​ത്തി​നു​ള്ളി​ൽ വാ​ണി​ജ്യ സ്ഥാ​പ​ന​ങ്ങ​ളി​ൽ ഒ​മാ​നി​യെ നി​യ​മി​ക്ക​ൽ; കൂ​ടു​ത​ൽ വ്യ​ക്ത​ത​യു​മാ​യി തൊ​ഴി​ൽ മ​ന്ത്രാ​ല​യം

മ​സ്ക​ത്ത്: ഒ​രു വ​ർ​ഷ​ത്തെ പ്ര​വ​ർ​ത്ത​നം പൂ​ർ​ത്തി​യാ​ക്കി​യ​ശേ​ഷം വാ​ണി​ജ്യ സ്ഥാ​പ​ന​ങ്ങ​ൾ കു​റ​ഞ്ഞ​ത് ഒ​രു ഒ​മാ​നി പൗ​ര​നെ​യെ​ങ്കി​ലും നി​യ​മി​ക്ക​ണ​മെ​ന്ന കാ​ര്യ​ത്തി​ൽ കൂ​ടു​ത​ൽ വ്യ​ക്ത​ത​വ​രു​ത്തി തൊ​ഴി​ൽ മ​ന്ത്രാ​ല​യം. ഇ​ക്കാ​ര്യ​ത്തി​ൽ വ​ഴ​ക്ക​മു​ള്ള (ഫ്ല​ക്സി​ബി​ൾ) കാ​ര്യ​ങ്ങ​ളാ​ണ് സ്വീ​ക​രി​ച്ചു​കൊ​ണ്ടി​രി​ക്കു​ന്ന​തെ​ന്ന് തൊ​ഴി​ൽ മ​ന്ത്രാ​ല​യം അ​റി​യി​ച്ചു. ഒ​മാ​നി പൗ​ര​നെ നി​യ​മി​ക്കു​ന്ന​ത് സം​ബ​ന്ധി​ച്ച് സ​മൂ​ഹ​മാ​ധ്യ​മ​ങ്ങ​ളി​ൽ വ്യാ​പ​ക​മാ​യ ച​ർ​ച്ച​ക​ളാ​ണ് ന​ട​ക്കു​ന്ന​ത്. ഇ​തി​നു​ള്ള മ​റു​പ​ടി​യി​ലാ​ണ് അ​ധി​കൃ​ത​ർ ഇ​ക്കാ​ര്യം വ്യ​ക്ത​മാ​ക്കി​യ​ത്.

വ്യ​ത്യ​സ്ത ശേ​ഷി​ക​ളും സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​ന​ങ്ങ​ളും ക​ണ​ക്കി​ലെ​ടു​ത്ത്, സാ​മ്പ​ത്തി​ക യാ​ഥാ​ർ​ഥ്യ​ത മ​ന​സ്സി​ലാ​ക്കി​യു​ള്ള ഒ​രു വ​ഴ​ക്ക​മു​ള്ള ന​ട​പ്പ​ടി​ക​ളാ​ണ് തൊ​ഴി​ൽ മ​ന്ത്രാ​ല​യം സ്വീ​ക​രി​ച്ചി​ട്ടു​ണ്ട്. ഒ​രു ഒ​മാ​നി പൗ​ര​നെ നി​യ​മി​ക്കാ​തെ ഒ​രു വ​ർ​ഷം പൂ​ർ​ത്തി​യാ​ക്കി​യ സ്ഥാ​പ​ന​ങ്ങ​ൾ വി​ജ്ഞാ​പ​നം പു​റ​പ്പെ​ടു​വി​ച്ച തീ​യ​തി മു​ത​ൽ ഒ​രു മാ​സ​ത്തി​നു​ള്ളി​ൽ ഒ​രു തൊ​ഴി​ൽ പ​ദ്ധ​തി സ​മ​ർ​പ്പി​ക്കേ​ണ്ട​തു​ണ്ടെ​ന്ന് തൊ​ഴി​ൽ മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു. പ​ത്തോ അ​തി​ല​ധി​ക​മോ തൊ​ഴി​ലാ​ളി​ക​ളു​ള്ള ക​മ്പ​നി​ക​ൾ​ക്ക് നി​യ​മ​നം ന​ട​പ്പി​ലാ​ക്കാ​ൻ മൂ​ന്ന് മാ​സ​ത്തെ സ​മ​യ​വും പ​ത്തി​ൽ താ​ഴെ ജീ​വ​ന​ക്കാ​രു​ള്ള​വ​ർ​ക്ക് ആ​റ് മാ​സ​ത്തെ സ​മ​യ​വും ല​ഭി​ക്കും.

പു​തി​യ നി​യ​ന്ത്ര​ണ​ങ്ങ​ൾ ബാ​ധി​ച്ചേ​ക്കാ​വു​ന്ന പ​രാ​തി​ക​ൾ അ​വ​ലോ​ക​നം ചെ​യ്യു​ന്ന​തി​നും അ​സാ​ധാ​ര​ണ​മാ​യ കേ​സു​ക​ൾ പ​ഠി​ക്കു​ന്ന​തി​നു​മാ​യി മ​ന്ത്രാ​ല​യം ഒ​രു ക​മ്മി​റ്റി രൂ​പ​വ​ത്ക​രി​ച്ചി​ട്ടു​ണ്ട്. ഈ ​ക​മ്മി​റ്റി ന​ട​പ്പാ​ക്ക​ലി​ന്റെ ആ​ഘാ​തം നി​രീ​ക്ഷി​ക്കു​ക​യും പ്രാ​യോ​ഗി​ക അ​നു​ഭ​വ​ത്തെ അ​ടി​സ്ഥാ​ന​മാ​ക്കി ശി​പാ​ർ​ശ​ക​ൾ ന​ൽ​കു​ക​യും ചെ​യ്യും. സ്വ​കാ​ര്യ മേ​ഖ​ല​യി​ലു​ട​നീ​ള​മു​ള്ള ത​ദ്ദേ​ശ​വ​ത്ക്ക​ര​ണ​ത്തി​ലെ അ​സ​മ​ത്വ​ങ്ങ​ൾ പ​രി​ഹ​രി​ക്കു​ന്ന​തി​നൊ​പ്പം ബി​സി​ന​സ് സു​സ്ഥി​ര​ത​യെ സ​ന്തു​ലി​ത​മാ​ക്കു​ന്ന​തി​നാ​ണ് സ്വ​ദേ​ശി​വ​ത്ക​ര​ണം ന​യം ന​ട​പ്പി​ലാ​ക്കു​ന്ന​തെ​ന്ന് മ​ന്ത്രാ​ല​യം അ​റി​യി​ച്ചു.

വി​വി​ധ ത​രം സ്ഥാ​പ​ന​ങ്ങ​ളി​ലെ ഒ​മാ​നൈ​സേ​ഷ​ൻ നി​ര​ക്കു​ക​ളി​ലെ ഗ​ണ്യ​മാ​യ അ​സ​മ​ത്വം മ​ന്ത്രാ​ല​യം ചൂ​ണ്ടി​ക്കാ​ണി​ച്ചു. ഏ​ക​ദേ​ശം 1,000 വ​ലി​യ ക​മ്പ​നി​ക​ൾ 2,45,000 പ്ര​വാ​സി​ക​ൾ​ക്കൊ​പ്പം ഭൂ​രി​ഭാ​ഗം ഒ​മാ​നി പൗ​ര​ന്മാ​രെ​യും (ഏ​ക​ദേ​ശം 200,000) ജോ​ലി​ക്കെ​ടു​ക്കു​ന്നു​ണ്ട്. ഇ​ത് 44 ശ​ത​മാ​നം​വ​രെ ഒ​മാ​നൈ​സേ​ഷ​ൻ നി​ര​ക്ക് കൈ​വ​രി​ക്കു​ന്നു​ണ്ടെ​ന്നും ക​ണ​ക്കു​ക​ൾ വ്യ​ക്ത​മാ​ക്കു​ന്നു. അ​തേ​സ​മ​യം, 19,000 സ്ഥാ​പ​ന​ങ്ങ​ളി​ൽ 300,000 പ്ര​വാ​സി​ക​ൾ ജോ​ലി​ച്ചെ​യ്യു​ന്നു​ണ്ട്. എ​ന്നാ​ൽ, വെ​റും 60,000 ഒ​മാ​നി​ക​ൾ​ക്ക് മാ​ത്ര​മേ ഇ​വി​ടെ ജോ​ലി ന​ൽ​കു​ന്നു​ള്ളൂ. 17 ശ​ത​മാ​ത്തോ​ള​മാ​ണ് ഇ​തി​ലെ സ്വ​ദേ​ശി​വ​ത്ക​ര​ണ​തോ​ത്. 245,000-ത്തി​ല​ധി​കം സ്ഥാ​പ​ന​ങ്ങ​ളി​ൽ 1.1 ദ​ശ​ല​ക്ഷ​ത്തി​ല​ധി​കം പ്ര​വാ​സി​ക​ൾ ജോ​ലി ചെ​യ്യു​ന്നു. ഒ​മാ​നൈ​സേ​ഷ​ൻ നി​ര​ക്ക് ഈ ​സ്ഥാ​പ​ന​ങ്ങ​ളി​ലേ​ത് പൂ​ജ്യ​മാ​ണെ​ന്നും മ​ന്ത്രാ​ല​യം ചൂ​ണ്ടി​ക്കാ​ട്ടി.

മ​റ​ഞ്ഞി​രി​ക്കു​ന്ന (ബി​നാ​മി) വ്യാ​പാ​രം പ​രി​മി​ത​പ്പെ​ടു​ത്തു​ന്ന​തി​നും, തൊ​ഴി​ല​വ​സ​ര​ങ്ങ​ളു​ടെ ന്യാ​യ​മാ​യ വി​ത​ര​ണം ഉ​റ​പ്പാ​ക്കു​ന്ന​തി​നും, സു​സ്ഥി​ര​വും തു​ല്യ​വു​മാ​യ അ​ടി​സ്ഥാ​ന​ത്തി​ൽ മ​ത്സ​ര​ശേ​ഷി വ​ർ​ധി​പ്പി​ക്കു​ന്ന​തി​നും തൊ​ഴി​ൽ വി​പ​ണി​യി​ൽ ഈ ​അ​സ​ന്തു​ലി​താ​വ​സ്ഥ തി​രു​ത്ത​ൽ ആ​വ​ശ്യ​മാ​ണെ​ന്ന് മ​ന്ത്രാ​ല​യം വാ​ദി​ച്ചു. ഈ ​പു​നഃ​സ​ന്തു​ലി​താ​വ​സ്ഥ കൈ​വ​രി​ക്കു​ന്ന​തി​നു​ള്ള ഒ​രു ചു​വ​ടു​വെ​പ്പാ​ണ് പു​തി​യ തീ​രു​മാ​നം. ബി​സി​ന​സു​ക​ൾ ന​ട​പ്പി​ലാ​ക്കു​ന്ന​തി​നും പി​ന്തു​ണ​ക്കു​ന്ന​തി​നും, മ​ന്ത്രാ​ല​യം നി​യ​ന്ത്ര​ണ​ങ്ങ​ളു​ടെ​യും പ്രോ​ത്സാ​ഹ​ന​ങ്ങ​ളു​ടെ​യും ഒ​രു സം​യോ​ജി​ത പാ​ക്കേ​ജ് പ്ര​ഖ്യാ​പി​ച്ചു. ഇ​തി​ൽ തൊ​ഴി​ൽ, ജോ​ലി​സ്ഥ​ല​ത്തെ പ​രി​ശീ​ല​ന അ​വ​സ​ര​ങ്ങ​ൾ, ദേ​ശീ​യ തൊ​ഴി​ൽ ശ​ക്തി​യെ ശാ​ക്തീ​ക​രി​ക്കാ​ൻ ല​ക്ഷ്യ​മി​ട്ടു​ള്ള വേ​ത​ന പി​ന്തു​ണ സം​രം​ഭ​ങ്ങ​ൾ എ​ന്നി​വ​യു​മാ​യി ബ​ന്ധ​പ്പെ​ട്ട പ​രി​ശീ​ല​ന പ​രി​പാ​ടി​ക​ൾ ഉ​ൾ​പ്പെ​ടു​ന്നു.