മസ്കത്ത്: മയക്കുമരുന്ന് കൈവശം വെച്ച കേസിൽ രണ്ടു വിദേശികൾ പിടിയിൽ. ബോഷറിൽനിന്നാണ് ഇവർ പിടിയിലായതെന്ന് റോയൽ ഒമാൻ പൊലിസ് അറിയിച്ചു. പിടിയിലായവർ ഏഷ്യൻ വംശജരാണ്. 68 മയക്കുമരുന്ന് ക്യാപ്സൂളുകളും ഹെറോയിനും ഇവരിൽനിന്ന് പിടിച്ചെടുത്തിട്ടുണ്ട്. വിൽപനക്കും ഉപയോഗത്തിനുമായാണ് ഇവർ മയക്കുമരുന്ന് കൈവശം വെച്ചിരുന്നതെന്ന് പൊലീസ് അറിയിച്ചു. വിശദ അന്വേഷണത്തിനും നിയമ നടപടികൾക്കുമായി പിടിയിലായവരെ ജുഡീഷ്യൽ അതോറിറ്റിക്ക് കൈമാറി. മയക്കുമരുന്ന് വിരുദ്ധ പോരാട്ടത്തിനായി പൊതുജനങ്ങൾ സഹകരിക്കണമെന്നും ആർ.ഒ.പി അഭ്യർഥിച്ചു. മയക്കുമരുന്ന് കടത്തുകാരെ കുറിച്ച് വിവരം ലഭിക്കുന്നവർ 9999 എന്ന നമ്പറിലോ ടോൾഫ്രീ നമ്പറായ 1444ലോ അടുത്തുള്ള പൊലീസ് സ്റ്റേഷനിലോ വിവരം അറിയിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.