ആനന്ദജി ഗുരുദേവ തിരുവടികളുടെ ഉത്രാടം ജന്മനക്ഷത്ര
ശതാബ്ദി ആഘോഷത്തിന്റെ ഭാഗമായി നടന്ന ഓൺലൈൻ സമ്മേളനം
മസ്കത്ത്: ആത്മബോധോദയസംഘം മാവേലിക്കര, ചെറുകോൽ ശ്രീ ശുഭാനന്ദാശ്രമം ഒമാൻ സഭയുടെ നേതൃത്വത്തിൽ ആത്മബോധോദയ സംഘത്തിന്റെ ആശ്രമാധിപതിയും മാനേജിങ് ട്രസ്റ്റിയുമായിരുന്ന ബ്രഹ്മശ്രീ ആനന്ദജി ഗുരുദേവ തിരുവടികളുടെ ഉത്രാടം ജന്മശതാബ്ദി ആഘോഷം സർവജ്ഞാനോത്സവമായി സംഘടിപ്പിച്ചു. ആശ്രമാധിപതിയും മാനേജിങ് ട്രസ്റ്റിയുമായ ബ്രഹ്മശ്രീ ദേവാനന്ദ ഗുരുദേവ തിരുവടികളുടെ കാർമികത്വത്തിലായിരുന്നു പരിപാടി.
ഇതിനോടാനുബന്ധിച്ചു നടന്ന ഓൺലൈൻ സമ്മേളനം ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി ഉദ്ഘാടനം ചെയ്തു. ശ്രീ ശുഭാനന്ദാശ്രമം ട്രസ്റ്റ് അംഗം സ്വാമി വേദാനന്ദൻ അധ്യക്ഷതവഹിച്ചു.
യോഗത്തിൽ സ്വാമി വിവേകാനന്ദൻ മുഖ്യ പ്രഭാഷണം നടത്തി. സിബി പണിക്കർ ദുബായ് ചാപ്റ്റർ, ശ്യാം കുമാർ സിംഗപ്പൂർ ചാപ്റ്റർ എന്നിവർ സംസാരിച്ചു. അരുൺ വിജയ് മസ്കത്ത് സ്വാഗതവും വിനോദ് മസ്കത്ത് നന്ദിയും പറഞ്ഞു. ഓൺലൈൻ സമ്മേളനത്തിൽ വിവിധ രാജ്യങ്ങളിൽ നിന്നുള്ളവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.