മസ്കത്ത്: ഒമാനിലെ സംരംഭകനും കേരളത്തിലെ നിരവധി വിദ്യാഭാസ സ്ഥാപനങ്ങളുടെ സാരഥിയുമായ ഡോ. ഗീവർഗീസ് യോഹന്നാന് ഇൻ ഡോ^അറബ് ലീഡേഴ്സ് പുരസ്കാരം. ഗൾഫിലും ഇന്ത്യയിലുമായി വിദ്യാഭ്യാസ, വാണിജ്യ മേഖലയിൽ നൽകിയ മികച്ച സംഭാവനകൾ പരിഗണി ച്ചാണ് വേൾഡ് വൈഡ് അച്ചീവേഴ്സ് ന്യൂഡൽഹിയുടെ ഇൻഡോ^അറബ് വേൾഡ് എജുക്കേഷൻ ആൻഡ് ബിസിനസ് ലീഡേഴ്സ് പുരസ്കാരത്തിന് അർഹനായത്. കേന്ദ്ര ഷിപ്പിങ് മന്ത്രി മൻസൂഖ് എൽ. മണ്ഡാവിയ, കേന്ദ്ര ഉരുക്ക് വകുപ്പ് മന്ത്രി ഭഗൻസിങ് കുലസ്തെ എന്നിവരുടെ സാന്നിധ്യത്തിൽ ദുബൈ മാരിയറ്റ് ഹോട്ടലിൽ നടന്ന ചടങ്ങിലാണ് പുരസ്കാരം സമ്മാനിച്ചത്.
കഴിഞ്ഞ നാലര പതിറ്റാണ്ടിലധികമായി ഒമാനിലുള്ള ഡോ. ഗീവർഗീസ് പ്രമുഖ നിർമാണ കമ്പനിയായ നദാൻ ട്രേഡിങ് ആൻഡ് കോൺട്രാക്ടിങ് കമ്പനി മാനേജിങ് ഡയറക്ടറും കേരളത്തിലെ എം.ജി.എം ഗ്രൂപ് വിദ്യാഭ്യാസ സ്ഥാപനങ്ങളുടെ ചെയർമാനുമാണ്.
ഗ്രൂപ്പിന് കീഴിൽ കേരളത്തിൽ വിവിധയിടങ്ങളിലായി 23ഓളം വിദ്യാഭ്യാസ സ്ഥാപനങ്ങളാണ് പ്രവർത്തിക്കുന്നത്. എം.ജി.എം ചാരിറ്റബിൾ ട്രസ്റ്റിെൻറ സ്ഥാപക ചെയർമാനും യോഹാൻ ഫിലിംസിെൻറ സാരഥിയുമാണ് ഡോ. ഗീവർഗീസ് യോഹന്നാൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.