അൽ സലാമ പോളിക്ലിനിക്ക് വിദ്യാർഥികൾക്ക് നടത്തിയ
മെഡിക്കൽ ക്യാമ്പിനോടനുബന്ധിച്ച് നടന്ന ഉപഹാര സമർപ്പണം
മസ്കത്ത്: അൽ അൻസാബ് അൽ സലാമ പോളിക്ലിനിക് അൽ യതാർ ൈപ്രവറ്റ് സ്കൂളുമായി സഹകരിച്ച് സൗജന്യ മെഡിക്കൽ ക്യാമ്പ് നടത്തി. അൽസലാമ ഗ്രൂപ് മാർക്കറ്റിങ് ഓഫിസർ അനീസ് ഉസ്മാൻ കുട്ടി, മാർക്കറ്റിങ് മാനേജർമാരായ റാഷിഖ്, ആസിഫ്, കുട്ടികളുടെ സ്പെഷലിസ്റ്റ് ഡോ. ജയകുമാരി, പല്ല് സ്പെഷലിസ്റ്റ് ഡോ. അൻസി, എന്നിവർ പങ്കാളികളായി. അൽസലാമ ക്ലിനിക്കിലേക്കുള്ള സൗജന്യ കൺസൾട്ടേഷൻ കാർഡും വിതരണം ചെയ്തു. ഒരു അധ്യയനവർഷത്തിൽ മൂന്ന് മെഡിക്കൽ ക്യാമ്പും നടത്തും. സാമൂഹിക സേവനങ്ങൾക്ക് ചുക്കാൻ പിടിക്കുന്ന അൽസലാമ പോളിക്ലിനിക് ഗ്രൂപ്പിന്റെ മാനേജിങ് ഡയറക്ടേഴ്സ് സിദ്ദീഖ് മങ്കട, ഡോ. റഷീദലി എന്നിവർക്ക് സ്കൂൾ പ്രിൻസിപ്പൽ നന്ദി അറിയിക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.