ഒമാനും ഇന്ത്യക്കുമിടയിൽ എയർ ബബിൾ കരാർ നിലവിൽ വന്നു

മസ്​കത്ത്​: ഒമാനും ഇന്ത്യക്കുമിടയിൽ എയർ ബബിൾ കരാർ നിലവിൽ വന്നു. ഒക്​ടോബർ ഒന്നു മുതൽ നവംബർ 30 വരെയാണ്​ കരാർ കാലാവധിയെന്ന്​ മസ്​കത്ത്​ ഇന്ത്യൻ എംബസി അറിയിച്ചു. ഇത്​ പ്രകാരം ഇരു രാഷ്​ട്രങ്ങളിലെയും വിമാന കമ്പനികൾക്ക്​ വ്യവസ്ഥകൾക്കനുസരിച്ച്​ സാധാരണ സർവീസുകൾ പുനരാരംഭിക്കാൻ സാധിക്കും. ഇന്ത്യയിൽ നിന്ന്​ എയർ ഇന്ത്യയും എയർ ഇന്ത്യ എക്​സ്​പ്രസും ഒമാനിലേക്കും തിരിച്ച്​ ഒമാൻ എയറും സലാം എയറും ഇന്ത്യയിലെ വിവിധ നഗരങ്ങളിലേക്കും സർവീസ്​ നടത്തും. യാത്രക്കാർക്ക്​ ഇൗ വിമാനങ്ങളിൽ യാതൊരു നിയന്ത്രണങ്ങളുമില്ലാതെ ഇരു വശങ്ങളിലേക്കും യാത്ര ചെയ്യാൻ കഴിയും.

ഇന്ത്യയിലേക്കുള്ള വിമാനങ്ങളിൽ ഇവിടെ കുടുങ്ങി കിടക്കുന്ന ഇന്ത്യക്കാർ, ഒ.സി.​െഎ കാർഡ്​ ഉടമകൾ, ഇന്ത്യൻ വിസ ലഭിച്ച ഒമാനി പൗരന്മാർ എന്നിവർക്കാണ്​ യാത്രാനുമതി ലഭിക്കുക. ഒമാനിലേക്കുള്ള വിമാനങ്ങളിൽ സ്വദേശികൾ, ഒമാനിലേക്ക്​ പോകുന്ന റസിഡൻറ്​ വിസയിലുള്ള ഇന്ത്യക്കാർ എന്നിവർക്ക്​ യാത്ര ചെയ്യാം. ഒമാനിലേക്കുള്ള ഇന്ത്യക്കാരുടെ പ്രവേശനാനുമതി സംബന്ധിച്ച വിഷയങ്ങൾ ടിക്കറ്റ്​ നൽകു​േമ്പാൾ വിമാന കമ്പനി ഉറപ്പുവരുത്തേണ്ടതാണ്​. ഇരുരാജ്യങ്ങളിലെയും വ്യോമയാന മന്ത്രാലയങ്ങളുടെ നിർദേശങ്ങൾക്ക്​ അനുസരിച്ചും കോവിഡ്​ മാനദണ്ഡങ്ങൾക്കും അനുസരിച്ചായിരിക്കണം സർവീസ്​.

പ്രവാസികളുടെ യാത്ര സുഗമമാക്കുന്നതാണ്​ എയർ ബബിൾ സംവിധാനം. ഇനി ഒമാനിൽ നിന്ന്​ ഇന്ത്യയിലേക്ക്​ പോകുന്നതിന്​ എംബസിയിൽ രജിസ്​റ്റർ ചെയ്യേണ്ട ആവശ്യമില്ല. വിമാന കമ്പനികൾക്ക്​ ടിക്കറ്റുകൾ അവരുടെ വെബ്​സൈറ്റുകൾ വഴിയോ ട്രാവൽ ഏജൻറുമാർ മുഖേനയോ വിൽപന നടത്താവുന്നതാണ്​.

സെപ്​റ്റംബർ അവസാനം വരെ ഇന്ത്യയില്‍ നിന്നുള്ള യാത്രക്കാർക്ക്​ ഒമാനിലേക്ക്​ വരാൻ വിദേശകാര്യമന്ത്രാലയത്തി​െൻറ മുൻകൂർ അനുമതി വേണ്ടിയിരുന്നു. വന്ദേഭാരത് വിമാനങ്ങള്‍ക്കും ചാര്‍ട്ടേഡ് വിമാനങ്ങള്‍ക്കും മാത്രമാണ് ഇവരെ കൊണ്ടുവരാൻ അനുമതിയുണ്ടായിരുന്നത്​. ഒക്​ടോബർ ഒന്നു മുതൽ ഒമാനിലെ വിമാനത്താവളങ്ങൾ തുറക്കുകയും രാജ്യാന്തര സർവീസുകൾ പുനരാരംഭിക്കുകയും ചെയ്​തിട്ടുണ്ട്​.