മസ്കത്ത്: കോഴിക്കോട്ടേക്കുള്ള ഒമാന് എയര്, എയര്ഇന്ത്യ എക്സ്പ്രസ് വിമാനങ്ങളുടെ സമയങ്ങളില് മാറ്റം. ഒമാന് എയറിന്െറ സമയം ശനിയാഴ്ച മുതലും എയര്ഇന്ത്യ എക്സ്പ്രസിന്െറ സമയം ഞായറാഴ്ചയുമാണ് മാറുന്നത്. നിലവില് പുലര്ച്ചെ 4.25നാണ് ഒമാന് എയര് കോഴിക്കോട്ടേക്ക് പുറപ്പെടുന്നത്. ഇത് ശനിയാഴ്ച മുതല് പുലര്ച്ചെ 2.20നാകും പോവുക. കോഴിക്കോടുനിന്ന് മസ്കത്തിലേക്കുള്ള വിമാനമാകട്ടെ രാവിലെ 10ന് പകരം രാവിലെ 8.30നാകും പുറപ്പെടുക.
നിലവില് പകല്സമയത്ത് പുറപ്പെട്ടിരുന്ന എയര്ഇന്ത്യ എക്സ്പ്രസ് വിമാനത്തിന്െറ സമയം രാത്രിയിലേക്കാണ് മാറ്റിയത്. ഇപ്പോള് കോഴിക്കോട്ടുനിന്ന് രാവിലെ 11.00ന് പുറപ്പെടുന്ന വിമാനം ഞായറാഴ്ച മുതല് രാത്രി 11.50നാകും പുറപ്പെടുക. 1.45ന് മസ്കത്ത് അന്താരാഷ്ട്ര വിമാനത്താവളത്തില് എത്തുന്ന വിമാനം തിരിച്ച് പുലര്ച്ചെ 2.45നാണ് കോഴിക്കോട്ടേക്ക് പോകും. ഇപ്പോള് വൈകീട്ട് 3.10നാണ് കോഴിക്കോട്ടേക്കുള്ള വിമാനം പോകുന്നത്. ഒക്ടോബര് 28 വരെയാകും എയര്ഇന്ത്യ എക്സ്പ്രസിന്െറ പുതുക്കിയ സമയക്രമം പ്രാബല്യത്തിലുണ്ടാവുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.