കുവൈത്ത് സിറ്റി: കുവൈത്ത്-ജോർഡൻ സംയുക്ത ഉന്നത സമിതിയുടെ അഞ്ചാമത് സെഷൻ കുവൈത്തിൽ നടന്നു. കുവൈത്ത് വിദേശകാര്യ മന്ത്രി അബ്ദുല്ല അൽ യഹ്യയും ജോർഡൻ ഉപപ്രധാനമന്ത്രിയും വിദേശകാര്യ മന്ത്രിയുമായ അയ്മാൻ അൽ സഫാദിയും സംയുക്തമായി അധ്യക്ഷതവഹിച്ചു.
തന്ത്രപരമായ സഹകരണം ശക്തിപ്പെടുത്തുന്നതിനും പരസ്പര താൽപര്യങ്ങൾ കൈവരിക്കുന്നതിനുമുള്ള ആറ് കരാറുകളിലും എക്സിക്യൂട്ടിവ് പരിപാടികളിലും ഇരുവിഭാഗവും ഒപ്പുവെച്ചു. സമ്പദ്വ്യവസ്ഥ, നിക്ഷേപം, സംസ്കാരം, ടൂറിസം എന്നിവയുൾപ്പെടെ പ്രധാന മേഖലകളിലെ സഹകരണം യോഗം അവലോകനം ചെയ്തു. ഫലസ്തീനിലെ സ്ഥിതിഗതികൾ ഉൾപ്പെടെയുള്ള പ്രാദേശിക സംഭവവികാസങ്ങളും ചർച്ച ചെയ്തു.
കുവൈത്തിലെത്തിയ അയ്മാൻ അൽ സഫാദിയും പ്രതിനിധി സംഘവും കഴിഞ്ഞ ദിവസം കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹ്, പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹ്മദ് അസ്സബാഹ് എന്നിവരുമായി കൂടിക്കാഴ്ച നടത്തിയിരുന്നു.
കുവൈത്ത് വിദേശകാര്യ മന്ത്രി അബ്ദുല്ല അൽ യഹ്യയും ജോർഡൻ ഉപപ്രധാനമന്ത്രിയും വിദേശകാര്യ മന്ത്രിയുമായ അയ്മാൻ അൽ സഫാദിയും കരാറുകളിൽ ഒപ്പുവെക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.