കുവൈത്ത് സിറ്റി: സെൻറ് ഗ്രിഗോറിയോസ്‌ ഇന്ത്യൻ ഓർത്തഡോക്സ്‌ മഹാ ഇടവക ക്രിസ്മസ്‌-പുത ുവത്സരാഘോഷം സംഘടിപ്പിച്ചു. മലങ്കര ഓർത്തഡോക്സ്‌ സഭ കൽക്കത്ത ഭദ്രാസനാധിപനും ഇടവക മെത്രാപ്പോലീത്തയുമായ ഡോ. ജോസഫ്‌ മാർ ദിവന്ന്യാസിയോസ്‌ അധ്യക്ഷത വഹിച്ചു. കൊട്ടാരക്കര-പുനലുർ ഭദ്രാസനാധിപൻ ഡോ. യൂഹാനോൻ മാർ തേവോദോറോസ്‌ മെത്രാപ്പോലീത്ത മുഖ്യപ്രഭാഷണം നടത്തി. മഹാ ഇടവക വികാരി ഫാ. ജിജു ജോർജ് സ്വാഗതവും സെക്രട്ടറി ജിജി ജോൺ നന്ദിയും പറഞ്ഞു.
മർത്ത-മറിയം സീനിയർ അംഗം മറിയാമ്മ തോമസിെൻറ വേദവായനയോടെ ആരംഭിച്ച യോഗത്തിൽ മുൻ വികാരി ഫാ. ജേക്കബ്‌ തോമസ്‌, സഹവികാരി ഫാ. ലിജു പൊന്നച്ചൻ, ഇടവക ട്രഷറർ മോണിഷ്‌ ജോർജ്, ഭദ്രാസന കൗൺസിൽ അംഗം എബ്രാഹാം അലക്സ്‌, ഭദ്രാസന മിഷൻ കോഒാഡിനേറ്റർ ഷാജി എബ്രഹാം എന്നിവർ സന്നിഹിതരായിരുന്നു. കരോൾ സംഘങ്ങളുടെ പ്രകടനം, ഷാഡോ പ്ലേ, മ്യൂസിക്കൽ സ്കിറ്റുകൾ എന്നിവ ആഘോഷങ്ങൾക്ക്‌ നിറം പകർന്നു. എം.യു. മാത്യൂസ്‌ പരിശീലനം നൽകി നൂറിൽപരം വനിതകൾ അവതരിപ്പിച്ച മെഗാ ക്രിസ്മസ്‌ കൊയർ ശ്രദ്ധയാകർഷിച്ചു.
പ്രോഗ്രം കൺവീനർ ജെറി ജോൺ കോശി, ഇടവക ഭരണസമിതി അംഗങ്ങൾ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.