അവിശ്വാസം അതിജയിച്ച ആഭ്യന്തര മന്ത്രി അനസ് അൽ സാലിഹിെൻറ ആഹ്ളാദം
കുവൈത്ത് സിറ്റി: കുവൈത്ത് ആഭ്യന്തര മന്ത്രി അനസ് അൽ സാലിഹ്, വിദ്യാഭ്യാസ മന്ത്രി ഡോ. സൗദ് അൽ ഹർബി എന്നിവർ പാർലമെൻറിൽ അവിശ്വാസ പ്രമേയം അതിജയിച്ചു. 48 എം.പിമാർ ഹാജരായ സഭയിൽ 32 പേർ മന്ത്രിയിൽ വിശ്വാസം പ്രകടിപ്പിച്ചപ്പോൾ 16 പേർ അവിശ്വാസ പ്രമേയത്തിനൊപ്പം നിന്നു. ഖാലിദ് അൽ ഉതൈബി, താമിർ അൽ സുവൈത്ത്, അബ്ദുൽ കരീം അൽ കൻദരി, മുഹമ്മദ് അൽ മുതൈർ, നായിഫ് അൽ മിർദാസ്, ഹംദാൻ അൽ ആസിമി, ആദിൽ അൽ ദംഹി, അബ്ദുല്ല ഫഹദ്, ശുെഎബ് അൽ മുവൈസിരി, മുഹമ്മദ് ഹായിഫ് എന്നിവരാണ് ആഭ്യന്തര മന്ത്രിക്കെതിരെ അവിശ്വാസ പ്രമേയത്തിൽ ഒപ്പിട്ടത്.
വിദ്യാഭ്യാസ മന്ത്രിക്കെതിരായ അവിശ്വാസ പ്രമേയത്തിൽ 15 പേർ എതിർത്ത് വോട്ടുചെയ്തപ്പോൾ 29 പേർ മന്ത്രിയിൽ വിശ്വാസം പ്രകടിപ്പിച്ചു. അബ്ദുൽ വഹാബ് അൽ ബാബ്തൈൻ, ബദർ അൽ മുല്ല, അബ്ദുൽ കരീം അൽ കൻദരി, യൂസുഫ് അൽ ഫദ്ദാല, ഡോ. ഒൗദ അൽ റുവൈഇ, അൽ ഹുമൈദി അൽ സുബൈഇ, ഡോ. ഖലീൽ അബുൽ, ഉമർ അൽ തബ്തബാഇ, ഫർറാജ് അൽ അർബീദ്, നാസർ അൽ ദൂസരി എന്നീ എം.പിമാരാണ് വിദ്യാഭ്യാസ മന്ത്രിക്കെതിരായ അവിശ്വാസ പ്രമേയത്തിൽ ഒപ്പിട്ടത്. ഒരുമാസത്തിനിടെ രണ്ടാം തവണയാണ് ഇരുമന്ത്രിമാർക്കുമെതിരെ പാർലമെൻറിൽ അവിശ്വാസം വരുന്നത്. പാർലമെൻറിെൻറ പിന്തുണ നേടിയ രണ്ട് മന്ത്രിമാരെയും കുവൈത്ത് ഡെപ്യൂട്ടി അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, സ്പീക്കർ മർസൂഖ് അൽഗാനിം എന്നിവർ അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.