കുവൈത്ത് സിറ്റി: ഫലസ്തീൻ രാഷ്ട്രത്തെ ഔദ്യോഗികമായി അംഗീകരിച്ച് കൂടുതൽ രാഷ്ട്രങ്ങൾ. ഫ്രാൻസ്, ബെൽജിയം, ലക്സംബർഗ്, മാൾട്ട, ഡെൻമാർക്ക്, അൻഡോറ, മൊണാക്കോ എന്നീ രാജ്യങ്ങളും ഫലസ്തീനെ അംഗീകരിക്കുന്നതായി പ്രഖ്യാപിച്ചു. ഈ രാജ്യങ്ങളുടെ പ്രഖ്യാപനത്തെ കുവൈത്ത് സ്വാഗതം ചെയ്തു. ഈ രാജ്യങ്ങളുടെ നിലപാട് സുപ്രധാനവും പോസിറ്റിവുമായ അന്താരാഷ്ട്ര നടപടിയാണെന്ന് കുവൈത്ത് വിദേശകാര്യ മന്ത്രാലയം ചൂണ്ടിക്കാട്ടി.
സമാധാനത്തിനും ദ്വിരാഷ്ട്ര പരിഹാരത്തിനും പിന്തുണ നൽകിയതിന് ഈ രാജ്യങ്ങളെ കുവൈത്ത് പ്രശംസിച്ചു. 1967 ലെ അതിർത്തികളിൽ കിഴക്കൻ ജറുസലം തലസ്ഥാനമാക്കി സ്വതന്ത്ര രാഷ്ട്രം സ്ഥാപിക്കാൻ ഫലസ്തീനികളെ പ്രാപ്തരാക്കുന്ന തരത്തിൽ ശേഷിക്കുന്ന രാജ്യങ്ങളോടും ഈ വഴി പിന്തുടരാൻ കുവൈത്ത് അഭ്യർഥിച്ചു.
പോർചുഗൽ, യു.കെ, കാനഡ, ആസ്ട്രേലിയ തുടങ്ങിയ രാജ്യങ്ങളും കഴിഞ്ഞ ദിവസം ഫലസ്തീൻ രാഷ്ട്രത്തെ അംഗീകരിക്കുന്നതായി വ്യക്തമാക്കിയിരുന്നു. നേരത്തേ ആഫ്രിക്ക, ലാറ്റിൻ അമേരിക്ക, ഏഷ്യ വൻകരകളും യൂറോപ്പിൽ ചില കിഴക്കൻ മേഖല രാജ്യങ്ങളുമാണ് പ്രധാനമായി ഫലസ്തീൻ രാഷ്ട്രം അംഗീകരിച്ചിരുന്നത്. ഇപ്പോൾ മറ്റു യൂറോപ്യൻ രാഷ്ട്രങ്ങളും ഈ വഴി പിന്തുടരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.