കുവൈത്ത് സിറ്റി: 51ാം നാഷനൽ ഡേ ആഘോഷിക്കുന്ന യു.എ.ഇക്ക് ആശംസയുമായി കുവൈത്ത്. കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് നാഷനൽ ഡേ ആശംസകൾ അറിയിച്ച് യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നെഹ്യാന് സന്ദേശം അയച്ചു.
വിവിധ മേഖലകളിൽ പ്രത്യേകിച്ച് സാമ്പത്തിക, വിദ്യാഭ്യാസ, സാംസ്കാരിക മേഖലകളിൽ യു.എ.ഇ സാക്ഷ്യം വഹിച്ച സിവിൽ വികസന നേട്ടങ്ങളെ അമീർ പ്രശംസിച്ചു. എല്ലാ മേഖലകളിലും സഹകരണം വർധിപ്പിക്കേണ്ടതിന്റെ പ്രാധാന്യം ഊന്നിപ്പറഞ്ഞ അമീർ, ഇരു രാജ്യങ്ങളും തമ്മിലുള്ള സാഹോദര്യവും സൗഹൃദപരവുമായ ബന്ധത്തെ ഉണർത്തി. യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നെഹ്യാന് ആരോഗ്യവും സമാധാനവും നേർന്ന അമീർ അദ്ദേഹത്തിന്റെ നേതൃത്വത്തിൽ യു.എ.ഇ കൂടുതൽ പുരോഗതിയിലേക്കും അഭിവൃദ്ധിയിലേക്കും പ്രവേശിക്കട്ടെ എന്നും ആശംസിച്ചു.
കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് അഹ്മദ് നവാഫ് അൽ അഹ്മദ് അസ്സബാഹ്, ദേശീയ അസംബ്ലി സ്പീക്കർ അഹ്മദ് അൽ സദൂൻ എന്നിവരും യു.എ.ഇക്ക് ആശംസകൾ നേർന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.