എം.എം.എം.ഇ ഭാരവാഹികൾ ഇന്ത്യൻ അംബാസഡറെ സന്ദർശിക്കുന്നു
കുവൈത്ത് സിറ്റി: മലയാളി വീട്ടമ്മമാരുടെ കൂട്ടായ്മയായ മലയാളി മോംസ് മിഡിൽ ഈസ്റ്റ് കുവൈത്ത് ഭാരവാഹികൾ ഇന്ത്യൻ അംബാസഡറുമായി കൂടിക്കാഴ്ച നടത്തി. സംഘടന നടത്തിയ പ്രവർത്തനങ്ങൾ ഭാരവാഹികൾ വിശദീകരിച്ചു. എംബസി അഭയകേന്ദ്രത്തിലെ സ്ത്രീകളുടെ ക്ഷേമത്തിനായി എം.എം.എം.ഇയുടെ സഹായ സഹകരണങ്ങൾ വാഗ്ദാനം ചെയ്തു.
ഭാരവാഹികളായ അമ്പിളി, അമീറ, ആര്യ, രമ്യ, സഫിയ, പൂജ എന്നിവർ പങ്കെടുത്തു. വനിതദിനത്തോടനുബന്ധിച്ച് കൂട്ടായ്മ നടത്തിയ രക്തദാന ക്യാമ്പിനെയും മറ്റു പ്രവർത്തനങ്ങളെയും അംബാസഡർ പ്രശംസിച്ചതായി ഭാരവാഹികൾ വാർത്തക്കുറിപ്പിൽ പറഞ്ഞു. ലോക രക്തദാന ദിനത്തിൽ എംബസിയിൽ നടന്ന പരിപാടിയിൽ മലയാളി മോംസ് മിഡിൽ ഈസ്റ്റ് ഭാരവാഹികൾ മെമന്റോ ഏറ്റുവാങ്ങിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.