കുവൈത്ത് സിറ്റി: കുവൈത്ത് പാർലമെൻറ് തെരഞ്ഞെടുപ്പിൽ പ്രമുഖ കുടുംബങ്ങൾ സ്വാധീനമുറപ്പിച്ചു. ആസ്മി, മുതൈരി, ഉതൈബി, അജ്മി, കൻദരി എന്നീ കുടുംബങ്ങളാണ് കരുത്ത് തെളിയിച്ചത്. ആസ്മി കുടുബത്തിൽനിന്നും മുതൈരി കുടുംബത്തിൽനിന്നും അഞ്ചുപേർ തെരഞ്ഞെടുക്കപ്പെട്ടു. ആകെ എം.പിമാരുടെ പത്തുശതമാനം വീതം സ്വന്തമാക്കാൻ കഴിഞ്ഞതിന് പിന്നിൽ കുടുംബത്തിെൻറ ചിട്ടയായ ആസൂത്രണം ഉണ്ടെന്നാണ് വിലയിരുത്തൽ.
ഉതൈബി കുടുംബത്തിൽനിന്ന് മൂന്നുപേർ പാർലമെൻറിൽ എത്തിയപ്പോൾ അജ്മി, കൻദരി കുടുംബങ്ങളിലെ രണ്ടുപേർക്ക് വിജയിക്കാനായി. അഞ്ചാം മണ്ഡലമാണ് കുടുംബ സ്വാധീനത്തിെൻറ ഇൗറ്റില്ലമായത്. അഞ്ചാം മണ്ഡലത്തിലെ പത്ത് സീറ്റിൽ ആസ്മി കുടുംബത്തിലെ നാലുപേരും അജ്മിയിലെ രണ്ടുപേരും ഉതൈബി, മുതൈരി, ദൂസരി കുടുംബങ്ങളിലെ ഒാരോരുത്തരും തെരഞ്ഞെടുക്കപ്പെട്ടു. നാലാം മണ്ഡലത്തിൽ മുതൈരികൾ ആധിപത്യം പുലർത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.