ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സഊദ് അസ്സബാഹ് ലബനാൻ പ്രതിനിധികളുമായി യോഗത്തിൽ
കുവൈത്ത് സിറ്റി: ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസുഫ് സുഊദ് അസ്സബാഹ് ലബനാൻ ആഭ്യന്തര മന്ത്രി അഹ്മദ് അൽ ഹജ്ജാറുമായി ഉഭയകക്ഷി സുരക്ഷാ സഹകരണം പ്രോത്സാഹിപ്പിക്കുന്നതിനുള്ള വഴികളും മാർഗങ്ങളും ചർച്ച ചെയ്തു.
കുവൈത്തും ലബനാനും തമ്മിലുള്ള ബന്ധത്തിന്റെ ആഴവും സുരക്ഷാ സഹകരണം മുന്നോട്ട് കൊണ്ടുപോകേണ്ടതിന്റെ പ്രാധാന്യവും ശൈഖ് ഫഹദ് യോഗത്തിൽ വ്യക്തമാക്കി.
ഇരു രാജ്യങ്ങളും തമ്മിലുള്ള സുരക്ഷ സഹകരണവും ഏകോപനവും വികസിപ്പിക്കുന്നതിനും വിവരങ്ങളുടെയും വൈദഗ്ധ്യത്തിന്റെയും കൈമാറ്റം ശക്തിപ്പെടുത്തുന്നത് തുടരാനും ഇരുവരും സൂചിപ്പിച്ചു.
ഉഭയകക്ഷി സുരക്ഷാ സഹകരണം മുന്നോട്ട് കൊണ്ടുപോകുക എന്ന ലക്ഷ്യത്തോടെ ഇരു രാജ്യങ്ങളിലെയും ഇരു മന്ത്രിമാരുടെയും നേതൃത്വത്തിൽ മുതിർന്ന സുരക്ഷ ഉദ്യോഗസ്ഥരുടെ യോഗവും നടന്നു. ലബനാനിൽ ഔദ്യോഗിക സന്ദർശനത്തിനെത്തിയ ശൈഖ് ഫഹദ് യൂസഫ് സഊദ് അസ്സബാഹ് പ്രസിഡന്റ് ജോസഫ് ഔനുമായും കൂടിക്കാഴ്ച നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.