കുവൈത്ത് സിറ്റി: ബംഗ്ലാദേശ് പ്രസിഡന്റായി ചുമതലയേറ്റ മുഹമ്മദ് ഷഹാബുദ്ദീന് കുവൈത്തിന്റെ ആശംസ. കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, മുഹമ്മദ് ഷഹാബുദ്ദീന് ആശംസ സന്ദേശം അയച്ചു. പ്രസിഡന്റ് ഷഹാബുദ്ദീന് ക്ഷേമവും വിജയവും നേർന്ന അമീർ, കുവൈത്തും ബംഗ്ലാദേശും തമ്മിലുള്ള ഉഭയകക്ഷി ബന്ധങ്ങളിൽ കൂടുതൽ വികസനവും അഭിവൃദ്ധിയും ആശംസിച്ചു.
കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് അഹ്മദ് നവാഫ് അൽഅഹ്മദ് അസ്സബാഹ് എന്നിവരും ബംഗ്ലാദേശ് പ്രസിഡന്റിന് ആശംസ സന്ദേശം അയച്ചു.
നിലവിലുള്ള പ്രസിഡന്റും അവാമി ലീഗ് നേതാവുമായിരുന്ന മുഹമ്മദ് അബ്ദുൽ ഹമീദിന്റെ കാലാവധി അവസാനിച്ചതോടെയാണ് മുഹമ്മദ് ഷഹാബുദ്ദീൻ പ്രസിഡന്റായി സ്ഥാനമേറ്റത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.