വ്യാ​പാ​ര​വും നി​ക്ഷേ​പ​വും വ​ർ​ധി​പ്പി​ക്ക​ൽ; കു​വൈ​ത്ത്-ബ്രി​ട്ടീ​ഷ് പ്ര​തി​നി​ധി​ക​ൾ ച​ർ​ച്ച ന​ട​ത്തി

കു​വൈ​ത്ത് സി​റ്റി: വ്യാ​പാ​ര​വും നി​ക്ഷേ​പ​വും വ​ർ​ധി​പ്പി​ക്കു​ന്ന​തി​നു​ള്ള വ​ഴി​ക​ൾ ച​ർ​ച്ച ചെ​യ്ത് കു​വൈ​ത്തും ബ്രി​ട്ട​നും. കു​വൈ​ത്ത് ധ​ന​കാ​ര്യ മ​ന്ത്രി​യും സാ​മ്പ​ത്തി​ക, നി​ക്ഷേ​പ​കാ​ര്യ സ​ഹ​മ​ന്ത്രി​യു​മാ​യ നൂ​റ അ​ൽ ഫ​സ്സാ​മും ബ്രി​ട്ടീ​ഷ് വി​ദേ​ശ​കാ​ര്യ, കോ​മ​ൺ‌​വെ​ൽ​ത്ത്, വി​ക​സ​ന​കാ​ര്യ സെ​ക്ര​ട്ട​റി ഡേ​വി​ഡ് ലാ​മി​യും ഇ​ത് സം​ബ​ന്ധി​ച്ച് ച​ർ​ച്ച ന​ട​ത്തി. ഗ​ൾ​ഫ് സ​ഹ​ക​ര​ണ കൗ​ൺ​സി​ലി​ന്റെ നി​ല​വി​ലെ അ​ധ്യ​ക്ഷ പ​ദ​വി വ​ഹി​ക്കു​ന്ന കു​വൈ​ത്ത് ജി.​സി.​സി​യും ബ്രി​ട്ട​നും ത​മ്മി​ലു​ള്ള സ്വ​ത​ന്ത്ര വ്യാ​പാ​ര ക​രാ​ർ ച​ർ​ച്ച​ക​ൾ വേ​ഗ​ത്തി​ലാ​ക്കാ​ൻ ആ​ഗ്ര​ഹി​ക്കു​ന്ന​താ​യി അ​ൽ ഫ​സ്സാം പ​റ​ഞ്ഞു. ബ്രി​ട്ട​നു​മാ​യു​ള്ള ത​ന്ത്ര​പ​ര​മാ​യ നി​ക്ഷേ​പ പ​ങ്കാ​ളി​ത്തം വ​ർ​ധി​പ്പി​ക്കു​ന്ന​തി​നു​ള്ള കു​വൈ​ത്തി​ന്റെ താ​ൽ​പ​ര്യ​വും പ്ര​ക​ടി​പ്പി​ച്ചു.

ല​ണ്ട​നി​ലെ കു​വൈ​ത്ത് ഇ​ൻ​വെ​സ്റ്റ്‌​മെ​ന്റ് ഓ​ഫി​സി​ന്റെ (കെ.​ഐ.​ഒ) പ​ങ്കി​ലൂ​ടെ ബ്രി​ട്ട​നു​മാ​യു​ള്ള നി​ക്ഷേ​പ ബ​ന്ധം ശ​ക്തി​പ്പെ​ടു​ത്തു​ന്ന​തി​ൽ അ​തോ​റി​റ്റി ശ്ര​ദ്ധാ​ലു​വാ​ണെ​ന്ന് യോ​ഗ​ത്തി​ൽ പ​ങ്കെ​ടു​ത്ത കു​വൈ​ത്ത് ഇ​ൻ​വെ​സ്റ്റ്‌​മെ​ന്റ് അ​തോ​റി​റ്റി (കെ.​ഐ.​എ) മാ​നേ​ജി​ങ് ഡ​യ​റ​ക്ട​ർ ശൈ​ഖ് സൗ​ദ് സാ​ലിം അ​ബ്ദു​ൽ അ​സീ​സ് അ​സ്സ​ബാ​ഹ് പ​റ​ഞ്ഞു. കു​വൈ​ത്തി​ന്റെ വി​ക​സ​ന ദ​ർ​ശ​നം സാ​ക്ഷാ​ത്ക​രി​ക്കു​ന്ന​തി​നും വ​ൻ പ​ദ്ധ​തി​ക​ൾ ന​ട​പ്പി​ലാ​ക്കു​ന്ന​തി​നും സം​ഭാ​വ​ന ന​ൽ​കാ​ൻ യു.​കെ നി​ക്ഷേ​പ​ക​ർ ത​യാ​റാ​ണെ​ന്ന് ഡേ​വി​ഡ് ലാ​മി ചൂ​ണ്ടി​ക്കാ​ട്ടി.

കു​വൈ​ത്ത് ധ​ന​കാ​ര്യ മ​ന്ത്രാ​ല​യ അ​ണ്ട​ർ​സെ​ക്ര​ട്ട​റി അ​സീ​ൽ അ​ൽ മ​നീ​ഫി, ബ്രി​ട്ട​നി​ലെ കു​വൈ​ത്ത് അം​ബാ​സ​ഡ​ർ ബ​ദ​ർ അ​ൽ മു​നാ​യ​ഖ്, കു​വൈ​ത്തി​ലെ ബ്രി​ട്ടീ​ഷ് അം​ബാ​സ​ഡ​ർ ബെ​ലി​ൻ​ഡ ലൂ​യി​സ് എ​ന്നി​വ​രും യോ​ഗ​ത്തി​ൽ പ​ങ്കെ​ടു​ത്തു.