കുവൈത്ത് സിറ്റി: 54ാമത് ദേശീയദിനം ആഘോഷിക്കുന്ന യു.എ.ഇക്ക് കുവൈത്തിന്റെ ആശംസ. ആഘോഷദിനത്തിൽ അഭിനന്ദനവും ആശംസയും അറിയിച്ച് അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന് സന്ദേശം അയച്ചു.
യു.എ.ഇയിലെ വിപുലമായ നേട്ടങ്ങളെയും വികസനങ്ങളെയും അമീർ സന്ദേശത്തിൽ പ്രശംസിച്ചു. കുവൈത്തും യു.എ.ഇയും തമ്മിലുള്ള ശക്തമായ ബന്ധത്തിൽ അഭിമാനം പ്രകടിപ്പിക്കുകയും സാധ്യമായ എല്ലാ മേഖലകളിലും അവ ശക്തിപ്പെടുത്താനുള്ള ആഗ്രഹം അറിയിക്കുകയും ചെയ്തു. യു.എ.ഇക്ക് കൂടുതൽ പുരോഗതിയും വികസനവും കൈവരട്ടെയെന്നും അമീർ ആശംസിച്ചു.
ദേശീയദിനത്തിൽ കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹ്, പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹമ്മദ് അസ്സബാഹ് എന്നിവരും യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന് ആശംസ സന്ദേശം അയച്ചു. ദേശീയദിനത്തിന്റെ ഭാഗമായി യു.എ.ഇ വിവിധങ്ങളായ ആഘോഷപരിപാടികൾ സംഘടിപ്പിക്കുന്നുണ്ട്. രാജ്യത്തിന്റെ വിവിധ ഭാഗങ്ങളിൽ കരിമരുന്ന് പ്രകടനങ്ങളും ഡ്രോണ് ഷോകളും ലൈറ്റ് ഷോയും പരമ്പരാഗത കലകളുമൊക്കെ അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.