കുവൈത്ത് സിറ്റി: കുവൈത്ത് പെട്രോളിയത്തിന് അന്താരാഷ്ട്ര വിപണിയിൽ വീണ്ടും വിലത്തകർച്ച. ഈ വർഷത്തെ ഏറ്റവും കുറഞ്ഞ വിലനിലവാരമാണ് കഴിഞ്ഞദിവസം രേഖപ്പെടുത്തിയത്. മുൻ ദിവസത്തേതിനേക്കാൾ 1.41 ഡോളർ കുറഞ്ഞ് ബാരലിന് 60.42 ഡോളറാണ് കഴിഞ്ഞ ദിവസം രേഖപ്പെടുത്തിയത്. തൊട്ടുമുമ്പത്തെ ദിവസം ബാരലിന് 61.83 ഡോളർ ഉണ്ടായിരുന്ന സ്ഥാനത്താണ് ഈ വിലക്കുറവ്. ഒക്ടോബർ ആദ്യവാരം 83.1 ഡോളർ വരെ എത്തിയിരുന്നു. നാലുവർഷത്തിനിടെ ഏറ്റവും കൂടിയ വിലയായിരുന്നു അത്. പിന്നീട് ക്രമേണ കുറയുകയും കഴിഞ്ഞ ആഴ്ച വില കുത്തനെ ഇടിയുകയുമായിരുന്നു. ഡിസംബർ ആറുമുതൽ ഒപെകിെൻറ നിർണായക യോഗം വിയനയിൽ നടക്കാനിരിക്കെയാണ് വില തുടർച്ചയായി കുറയുന്ന പ്രതിഭാസം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.