കുവൈത്ത് സിറ്റി: കുവൈത്തിൽ വെള്ളിയാഴ്ച ഭാഗിക ചന്ദ്രഗ്രഹണം ദൃശ്യമാവും. വെള്ളിയാഴ്ച രാത്രി 8.45 മുതൽ നാലുമണിക്കൂർ നീളുന്ന ഗ്രഹണം ടെലിസ്കോപ്പിലൂടെ കാണാൻ കഴിയും. നഗ്നനേത്രങ്ങൾ കൊണ്ട് ഇത്തവണ ഗ്രഹണം കാണാൻ സാധ്യതയില്ലെന്ന് പ്രമുഖ കാലാവസ്ഥ പ്രവചനക്കാരനായ ആദിൽ അൽ സഅ്ദൂൻ കുവൈത്ത് വാർത്ത ഏജൻസിയോട് പറഞ്ഞു.
സൂര്യനും ഭൂമിയും ചന്ദ്രനും നേർരേഖയിൽ വരുമ്പോഴാണ് ചന്ദ്രഗ്രഹണം സംഭവിക്കുക. ഇത്തരം സന്ദർഭത്തിൽ ഭൂമി ചന്ദ്രനും സൂര്യനും ഇടയിലായിരിക്കും. ഭൂമിയെ പ്രദക്ഷിണം ചെയ്തുകൊണ്ടിരിക്കുന്ന ചന്ദ്രൻ ഭൂമിയുമായുള്ള ദിശയിൽ സൂര്യനു നേരെ എതിർദിശയിൽ വരുമ്പോഴാണ് ചന്ദ്രഗ്രഹണം ഉണ്ടാവുന്നത്. വെളുത്തവാവ് ദിവസമായിരിക്കും ചന്ദ്രഗ്രഹണം നടക്കുക. കോവിഡ് പ്രതിസന്ധിയുടെ പശ്ചാത്തലത്തിൽ ഇത്തവണ ഒൗഖാഫിെൻറ നേതൃത്വത്തിൽ പള്ളികളിൽ ഗ്രഹണ നമസ്കാരമില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.