കുവൈത്ത് സിറ്റി: ലോകത്തിലെ മൂല്യമേറിയ പാസ്‌പോര്‍ട്ടുകളുടെ കൂട്ടത്തില്‍ കുവൈത്ത് 57ാം റാങ്ക് കരസ്ഥമാക്കി. ഹെന ്‍ലി പാസ്‌പോര്‍ട്ട് ഇൻഡക്സിലാണ് ഇക്കാര്യമുള്ളത്. കുവൈത്ത് പാസ്‌പോര്‍ട്ട് ഉപയോഗിച്ച് 95 രാജ്യങ്ങളിലേക്ക് വ ിസ കൂടാതെ സഞ്ചരിക്കാം. ജി.സി.സി രാജ്യങ്ങളില്‍ കുവൈത്തിന് രണ്ടാം സ്ഥാനമാണ്. യു.എ.ഇയാണ് ഒന്നാം സ്ഥാനത്ത്. ലോക റാങ്കിങ്ങില്‍ യു.എ.ഇയുടെ സ്ഥാനം 18 ആണ്. 171 രാജ്യങ്ങളിലേക്ക് യു.എ.ഇ പൗരന്മാര്‍ക്ക് വിസ കൂടാതെ സഞ്ചരിക്കാം. ലോക റാങ്കില്‍ 58ാമതുള്ള ഖത്തര്‍ ജി.സി.സിയിൽ മൂന്നാം സ്ഥാനത്താണ്.
വിസ കൂടാതെ 93 രാജ്യങ്ങളിലേക്ക് ഖത്തര്‍ പാസ്‌പോര്‍ട്ടുപയോഗിച്ച് സഞ്ചരിക്കാം. ലോകത്തിലെ ഏറ്റവും മൂല്യമേറിയ പാസ്‌പോര്‍ട്ട് ജപ്പാനിേൻറതാണ്. വിസ കൂടാതെ 191 രാജ്യങ്ങളിലേക്ക് ജപ്പാന്‍ പാസ്‌പോര്‍ട്ട് ഉപയോഗിച്ച് പറക്കാം. ഏറ്റവും ദുര്‍ബലമായ പാസ്‌പോര്‍ട്ട് ഗണത്തില്‍ പെടുന്നത് അഫ്ഗാനിസ്താേൻറതാണ്. 26 രാജ്യങ്ങളിലേക്ക് മാത്രമാണ് അഫ്ഗാനിസ്ഥാൻ പാസ്പോർട്ട് ഉപയോഗിച്ച് വിസ കൂടാതെ സഞ്ചരിക്കാൻ അനുവാദമുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.