കുവൈത്ത് സിറ്റി: മരുഭൂമിയിലും ജനവാസമില്ലാത്ത ഇടങ്ങളിലും മാത്രം ഓടിക്കാൻ അനുമതിയുള്ള ഡെസേർട്ട് ബൈക്കുകൾ റോഡിൽ ഉപയോഗിച്ചാൽ 100 ദീനാർ പിഴ. ജഹ്റ മുനിസിപ്പാലിറ്റിയിലെ റോഡ് ശുചീകരണവിഭാഗം മേധാവി ഫഹദ് അൽ ഖരീഫയാണ് ഇക്കാര്യം അറിയിച്ചത്. കൂടാതെ, പിടികൂടിയ ഒരു ബൈക്ക് കൊണ്ടുപോകാൻ 30 ദീനാറും കസ്റ്റഡിയിൽവെക്കുന്ന ഓരോ ദിവസത്തിനും ഒരു ദീനാർ വീതവും ഈടാക്കും. നിശ്ചിത ദിവസത്തിനകം ബന്ധപ്പെട്ട വകുപ്പിൽ ഉടമ എത്തിയില്ലെങ്കിൽ ബൈക്കുകൾ ലേലം ചെയ്യുമെന്നും അദ്ദേഹം മുന്നറിയിപ്പ് നൽകി. അതിനിടെ, കഴിഞ്ഞദിവസം ജഹ്റ ഗവർണറേറ്റ് പരിധിയിലെ സുബിയ്യ, മുത്തലാഅ്, അബ്ദലി റോഡ് എന്നിവിടങ്ങളിൽ മുനിസിപ്പൽ വിഭാഗം നടത്തിയ പരിശോധനയിൽ 100 ഡെസേർട്ട് ബൈക്കുകളും ഏഴു മൊബൈൽ ബഖാലകളും കസ്റ്റഡിയിലെടുത്തു. സ്വദേശി യുവാക്കൾ ഡെസേർക്ക് ബൈക്കുകളുമായി റോഡിൽ ഇറങ്ങുന്നത് ഗതാഗതത്തിന് തടസ്സമുണ്ടാക്കുന്നതായി പരാതിയുണ്ട്. തണുപ്പുകാലത്താണ് ഇത്തരം വാഹനങ്ങൾ സജീവമാകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.