ഫർവാനിയ: കുവൈത്ത് കേരള ഇസ്ലാമിക് കൗണ്സില് കേന്ദ്ര കമ്മിറ്റി ‘മതേതര ഇന്ത്യ, ഭാവിയും വര്ത്തമാനവും’ എന്ന വിഷയത്തിൽ സ്നേഹസായാഹ്നം സംഘടിപ്പിച്ചു. ഫർവാനിയ മെട്രോ മെഡിക്കൽ കെയർ ഓഡിറ്റോറിയത്തിൽ നടന്ന പരിപാടി എസ്.കെ.എസ്.എസ്.എഫ് സംസ്ഥാന പ്രസിഡൻറ് പാണക്കാട് ഹമീദലി ശിഹാബ് തങ്ങള് ഉദ്ഘാടനം ചെയ്തു. ഭരണഘടന പൗരന് നൽകിയ അവകാശങ്ങളും സ്വാതന്ത്ര്യങ്ങളും ഇന്ത്യയെ ലോകത്തിന് തന്നെ മാതൃകയാക്കിയെന്നും ഐക്യവും മതേതര ദർശനങ്ങളും കാത്തുസൂക്ഷിക്കൽ എല്ലാ പൗരന്മാരുടെയും കടമയാണെന്നും പ്രതിനിധികൾ പറഞ്ഞു. ശംസുദ്ദീൻ ഫൈസി അധ്യക്ഷത വഹിച്ചു. അഡ്വ. ഓണമ്പിള്ളി മുഹമ്മദ് ഫൈസി മുഖ്യ പ്രഭാഷണം നിർവഹിച്ചു. ഹാരിസ് വള്ളിയോത്ത് (കെ.എം.സി.സി), ദീപക് പയനടത്ത് (എസ്.എം.സി.എ), അബ്ദുല് ഫത്താഹ് തയ്യില് (കെ.കെ.എം.എ), അനീഷ് പി. നായര് (എൻ.എസ്.എസ് കുവൈത്ത്) എന്നിവർ സംസാരിച്ചു. അബ്ദുല് ഗഫൂര് ഫൈസി സ്വാഗതവും ട്രഷറര് ഇസ്മാഈല് ഹുദവി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.